...

Վարդան Աթաբեկյան. Ո՞վ ա ասել, որ պատգամավորը իրա գործառույթի մեջ պետք ա օրենսդրական նախաձեռնություն ունենա

Վարդան Աթաբեկյան. Ո՞վ ա ասել, որ պատգամավորը իրա գործառույթի մեջ պետք ա օրենսդրական նախաձեռնություն ունենա

Դեկտեմբերի 6-ին լրացավ յոթերորդ գումարման Ազգային Ժողովի գործունեության մեկ տարին: Ի՞նչ օրենսդրական գործունեություն են ծավալել հայրենի ազգընտիրները մեկ տարվա ընթացքում, որակական ի՞նչ փոփոխություն է տեղի ունեցել խորհրդարանում, արդյո՞ք պատգամավորների թվի ավելացումը բարձրացրել է խորհրդարանի աշխատանքի արդյունավետությունը:

«Քասթինգի արդյունքները» խորագրի ներքո առանց խմբագրման ներկայացնում ենք ԱԺ պատգամավորների տեսակետները:

Վարդան Աթաբեկյան. «Իմ  Քայլը» խմբակցության պատգամավոր

- Իսկ ո՞վ ա ասում, որ մեկ տարվա մեջ պետք ա, օրինակ, երեք, չորս կամ հինգ հատ նախագիծ ունենաս: Մեկ էլ ո՞վ ա ասել, որ պատգամավորը իրա գործառույթի մեջ պետք ա օրենսդրական նախաձեռնություն ունենա:

- Իսկ եթե օրենսդրական գործունեությամբ չի զբաղվելու, ապա ուրիշ ի՞նչ աշխատանք պետք է կատարի պատգամավորը: 

- Ամենակարևոր բանը, որ ասեմ՝ ճիշտ քվեարկել օրենքը: Բերված օրենքի նախագիծը ուսումնասիրել, շփվել օրենքին հարող կողմերի հետ, եթե դա քաղաքացի ա, քաղաքացու հետ, եթե դա կազմակերպություն ա, կազմակերպության հետ ու կայացնել ճիշտ որոշում: Կարծում եմ, դա յա առաջինը պատգամավորի լիազորությունների մեջ մտնում, հետո, եթե արդեն ընթացքը ցույց ա տալիս, որ խնդիրներ կան, երբ որ խնդիրը կա ու տեսնում ես, որ էդ խնդրի լուծման համար պետք ա օրենսդրական նախաձեռնությունը, դու հանդես ես գալիս դրանով: Դա ընենց չի, որ օրացույցին նայես, տեսնես տարին լրացավ, գնամ շուտ մի բան մշակեմ, բերեմ, դնեմ:

- Դուք օրենսդրական դաշտում որևէ բաց չե՞ք տեսնում, որի շուրջ կարող էիք տվյալ օրենքում փոփոխություն առաջարկել:

- Ես կարծում եմ, որ եթե նույնիսկ բացեր կան և այդ բացերը կլինեն իմ տիրույթում, նոր կզբաղվեմ դրանով, ոչ թե կգնամ-կտեսնեմ՝ որտեղ բացեր կան, նոր զբաղվեմ դրանով: Ըտենց եմ կարծում, որ չի կարելի ուղղակի օրացույցային նայել, տեսնել, որ դու էս տարի օրական երկու-երեք հատ օրենսդրական նախաձեռնություն ունես, որը հիմնականում առոչինչ բնույթ ա կրելու: Կարող ա բախտդ բերի, մեկը մի քիչ էական լինի ու քանի որ սենց հարց ինձ չտան, շատ արագ զբաղվեմ դրանով: Ես կարծում եմ, կաշխատենք կտեսնենք՝ ով ոնց ա զբաղվում, ով ինչ մոտեցումներ ունի: Չեմ կարծում 88 պատգամավոր մեր խմբակցությունից բոլորն էլ նույն ձևով աշխատեն, քանի որ պատգամավորի բնույթը դուք լավ գիտեք որ տարբեր ա:

- Պատգամավորները խորհրդարանում 132-ն են: Շատ են, թե՞ քիչ՝ ըստ Ձեզ:

- Ըտենց կարանք ասենք 50-ը թող լինի: Ինչքան շատ, էնքան բազմակարծություն, եթե իհարկե էդ պատգամավորի թիվը չի գրված, որ ինքը աշխատանք ունենա: Եթե ըտենց ա դասավորվել, որ ընտրողների ձայնի արդյունքում ա ըտենց դասավորվել, որ դարձել ա 132, նորմալ ա ինձ թվում ա: Նույն տրամաբանությամբ կարանք ասենք՝ մթոմ 50-ը ինչ վատ ա՞ որ: 

- Դուք հավաստիացնում եք, որ պատգամավորի գործունեության մեջ կարևորը քվեարկելն է, օրինակ հանրապետականները գալիս էին խորհրդարան քվեարկություններին մասնակցում և դակիչի դեր էին կատարում, որպեսզի օրինագծերը սղացվեն օրակարգ ու հաստատվեն: 

- Օ՜օօ, ուրիշ բան եք ասում, հանրապետականները գալիս էին ու չէին կարա իրանց խմբակցության կամ իրանց պատգամավորի բերած օրենքին դեմ քվեարկեին: Եթե նկատել եք, մեր մոտ չկա ըտենց բան, չկա որևիցե հրաման, չկա կարգադրություն, չկա իրար խաթր պահել: Եթե օրենքին դեմ ա՝ դեմ ա, եթե ձեռնպահ ա՝ ձեռնպահ ա:

- Թերևս այդ պատճառո՞վ էր, որ Ձեր և Հակոբ Սիմիդյանի միջև տարաձայնություն եղավ, բանը հասավ իրար քաշքշելուն: Պատճառը կարծեմ Ձեր քվեարկությունն էր, որը դուր չէր եկել «Իմ Քայլը» խմբակցության քարտուղարին: 

- Բա, բա, կարա լինի նաև տարաձայնություն և մենք մեր խմբակցության կողմից առաջադրված թեկնածուին մեր հանձնաժողովում լսելուց հետո, իրա մասնագիտական հնարավորությունները ուսումնասիրելուց հետո, դեմ ենք քվեարկել, նախկինում դուք դժվար ըտենց բան տեսնեիք: Պատգամավորին ժողովուրդը ինչի՞ համար ա ընտրում, պատասխանեմ՝ ճիշտ որոշումներ կայացնելու համար: Էդ ա ամենակարևորը, ես կարամ վաղը մեկին վարձատրեմ օրենսդրական նախաձեռնություն բերի, դուք էլ սենց հարցեր ինձ չտաք, հենց տաք, ասեմ երեք հատ նախաձեռնություն ունեմ:

Մելանյա Ծառուկյան

ՎԱՐԿԱՆԻՇ

   1287 ԴԻՏՈՒՄ

Տարածեք

ՆՄԱՆԱՏԻՊ ՆՅՈՒԹԵՐ
Դեպի ՎԵՐ