4rd.am

«Գիտության շաբաթ. Հայաստանը» միավորել է հազարավոր այցելուների․ Team-ը՝ միջոցառման տեխնոլոգիական գործընկեր

armenlur — Tue, 29 Sep 2026 12:55:33 GMT

Գիտությունը մեկ շաբաթով դուրս եկավ լաբորատորիաների ու լսարանների սահմաններից՝ դառնալով հազարավոր երեխաների, պատանիների և մեծահասակների համար բացահայտումների, փորձարկումների ու նոր գաղափարների հարթակ։ «Հետազոտողն ապրում է յուրաքանչյուրիս մեջ» խորագրով «Գիտության շաբաթ. Հայաստան»-ի տեխնոլոգիական գործընկերը Team Telecom Armenia-ն էր։

Գիտությանն ու տեխնոլոգիաներին նվիրված ապակենտրոնացված միջոցառումներն անցկացվել են ողջ երկրում, իսկ փառատոնային օրերը՝ Գիտությունների ազգային ակադեմիայում, ERNA փառատոնի շրջանակում: Մասնակիցները հնարավորություն են ունեցել ոչ միայն լսելու գիտության մասին, այլև սեփական փորձով բացահայտելու այն՝ գիտափորձերի, խաղերի, ինտերակտիվ տաղավարների, կինոդիտումների և նորարարական նախաձեռնությունների միջոցով։

«Team-ը, ստեղծման առաջին օրվանից սահմանելով իր ռազմավարական առաջնահերթությունները, ցանկացել է նպաստել մեր երկրում այնպիսի միջավայրի ձևավորմանը, որտեղ գիտությունը և տեխնոլոգիաները հասանելի կլինեն հասարակության լայն հատվածներին։ «Գիտության շաբաթը» կարևոր նախաձեռնություն է նաև նրանով, որ գիտությունը դուրս է բերում մասնագիտական և ակադեմիական միջավայրից, այն դարձնում է ավելի արկածային, հետաքրքիր և հասանելի երեխաների և պատանիների համար»,-նշում է Team Telecom Armenia-ի կոմերցիոն տնօրեն Տիգրան Ֆրանգյանը:

«Շատ կարևոր է գիտության հանդեպ հետաքրքրությունը հենց մանկուց մեծացնելը, պահպանելն ու այնպես անելը, որ ավելի շատ մարդ հետաքրքրվի, զբաղվի գիտությամբ, ճարտարագիտությամբ, բարձրորակ մասնագետ դառնա և կարողանա բարդ խնդիրներ լուծել, որոնք իրենց հերթին էլ կզորացնեն Հայաստանը»,-նշում է «Գիտուժ» նախաձեռնության անդամ Տիգրան Շահվերդյանը:

Այս տարվա «Գիտության շաբաթվա» մասշտաբն արտահայտվում է նաև մասնակցության ցուցանիշներով։ Կրթական աշխատանքային գրքույկները ներբեռնել են ավելի քան 400 դպրոցներ ու մանկապարտեզներ, ինչպես նաև ավելի քան 200 անհատներ։ Գիտահեն առցանց խաղերը հինգ օրերի ընթացքում խաղացվել են մի քանի հարյուր անգամ, իսկ գիտաֆանտաստիկ պատմվածքների մրցույթին ներկայացվել է ավելի քան 50 աշխատանք։

Team-ը փառատոնային օրերին ներկայացել է ինտերակտիվ տաղավարով՝ այցելուներին հնարավորություն ընձեռելով խաղալու, լուսանկարվելու և զգալու տիեզերական արագությունը:

Team Telecom Armenia-ն շարունակում է աջակցել այն նախաձեռնություններին, որոնք նպաստում են Հայաստանում գիտական և տեխնոլոգիական մտածողության զարգացմանը:

COP17-ի նախօրեին՝ աղբով փակված ջրատար

armenlur — Mon, 28 Sep 2026 08:38:50 GMT

Փաստորեն, որքան շատ ենք խոսում աղբի, մաքրության ու գրագետ աղբահանության մասին, այնքան աղբը կարծես ավելի շատ է հայտնվում մեր շրջակայքում։

Նկարում Ստորին Հրազդանի ջրանցքն է՝ հայտնի «Կանալը», Հարավ-արևմտյան թաղամասով անցնող հատվածում՝ Արմին Վեգների փողոցի հետ հատման վայրում։ Ջրատարի մեջ աղբի այնպիսի կուտակում է գոյացել, որ արդեն դժվար է հասկանալ՝ ջո՞ւրն է այստեղ աղբ կուտակել, թե՞ ինչ-որ մեկը պարզապես «մոռացել» է, որ աղբի համար նախատեսված են աղբավայրեր, ոչ թե ջրատարներ։ Արդյունքում ջրատարի մի հատվածը գրեթե փակվել է, իսկ խնդիրը վաղուց դուրս է եկել պարզապես աղբահանության շրջանակից՝ ստեղծելով նաև բնապահպանական և սանիտարահիգիենիկ ռիսկեր։

Ու այս ամենը՝ այն ժամանակ, երբ Երևանը պատրաստվում է հյուրընկալել COP17-ը՝ կենսաբազմազանությանը նվիրված միջազգային խոշորագույն միջոցառումներից մեկը։ Հետաքրքիր է՝ ի՞նչ են անում համայնքային իշխանությունները, երբ Մալաթիա-Սեբաստիա վարչական շրջանի վարչական շենքից ընդամենը մի քանի հարյուր մետր հեռավորության վրա ջրատարն այս վիճակում է։ Քաղաքային իշխանությունները տեղյա՞կ չեն, թե՞ պարզապես չեն տեսնում։

Պարզապես դժվար է «մաքուր Երևան» կամ բնության պահպանության մասին խոսել, երբ քաղաքի ջրատարները մեր աչքի առաջ վերածվում են աղբավայրերի։

Team-ը՝ Tour of Armenia միջազգային հեծանվավազքի տեխնոլոգիական գործընկեր

armenlur — Fri, 11 Sep 2026 12:27:28 GMT

16 պրոֆեսիոնալ թիմ աշխարհի տարբեր երկրներից. Հայաստանում առաջին անգամ անցկացվում է Tour of Armenia միջազգային պրոֆեսիոնալ բազմօրյա հեծանվավազքը, որի տեխնոլոգիական գործընկերը Team Telecom Armenia-ն է։

Միջազգային մրցաշարն անցկացվում է չորս մրցափուլով, որոնց ընթացքում շուրջ 300 մասնակիցներն անցնում են ընդհանուր 568 կմ՝ հաղթահարելով շուրջ 5300 մետր վերելք։ Մրցուղիներն անցնում են Հայաստանի տարբեր մարզերով և ճանապարհներով, իսկ մրցաշարի եզրափակիչ փուլը կանցկացվի Երևանում։

Tour of Armenia-ի անցկացումը կարևոր իրադարձություն է Հայաստանի մարզական կյանքի համար, քանի որ առաջին անգամ Հայաստանում հյուրընկալվել է միջազգային մակարդակի պրոֆեսիոնալ հեծանվային մրցաշար։ Այն միաժամանակ նոր հարթակ է հայկական հեծանվային սպորտի զարգացման, տեղացի մարզիկների միջազգային փորձի ընդլայնման և Հայաստանի՝ որպես սպորտային ուղղության ներկայացման համար։ Մրցաշարի միջազգային հեռարձակումը հնարավորություն կտա աշխարհի տարբեր երկրներում հեծանվասպորտի երկրպագուներին հետևելու մրցմանը և դրա միջոցով բացահայտելու Հայաստանը։

«Միջազգային մասշտաբի միջոցառումների անցկացումն այսօր անհնար է առանց հուսալի կապի և ժամանակակից տեխնոլոգիական լուծումների։ Tour of Armenia-ն կարևոր իրադարձություն է Հայաստանի համար ոչ միայն սպորտային, այլև միջազգային տեսանելիության առումով։ Ուրախ ենք լինելու այս մրցաշարի տեխնոլոգիական գործընկերը և մեր հնարավորություններով նպաստելու դրա բարձր մակարդակով անցկացմանը։ Team-ի համար կարևոր է աջակցել այն նախաձեռնություններին, որոնք Հայաստանը կապում են միջազգային հարթակների հետ և նոր հնարավորություններ ստեղծում երկրի, սպորտի ու հասարակության զարգացման համար»,-նշում է Team Telecom Armenia-ի կոմերցիոն տնօրեն Տիգրան Ֆրանգյանը։

«Նման մասշտաբի միջազգային մրցաշարի կազմակերպումը շատ ավելին է, քան պարզապես մրցութային չորս օրերի անցկացումը։ Tour of Armenia-ն բացառիկ հնարավորություն է Հայաստանը միջազգային հարթակում ներկայացնելու՝ իր հարուստ բնությամբ, պատմամշակութային ժառանգությամբ և զբոսաշրջային մեծ ներուժով։

Այս ամենն աշխարհին պատշաճ և անխափան ներկայացնելու համար կարևոր է նաև վստահելի տեխնոլոգիական ենթակառուցվածքն ու աջակցությունը։ Ուրախ ենք, որ Tour of Armenia-ի տեխնոլոգիական գործընկերն է Team Telecom Armenia-ն»,-նշում է Սպորտի կառավարման կենտրոնի տնօրեն Խորեն Զարգարյանը:

ՔՊ-26 կործանիչները

mhersheni — Tue, 08 Sep 2026 13:30:03 GMT

ԱԺ ՔՊ խմբակցության պատգամավոր Թագուհի Ղազարյանն ասել է. «Հայաստանը չի կործանվի, եթե գազի գինը բարձրանա»:

ՉԻ.- Մի հատ Մուգաբե կար, Զիմբաբվեի ղեկավարն էր: Սրա օրոք Աֆրիկայի ամենազարգացած երկրներից մեկը համարվող Զիմբաբվեն դարձավ աշխարհի ամենաաղքատ երկրներից մեկը: Որ սրան ասում էին, մարդիկ սովից մեռնում են, ասում էր. Զիմբաբվեն դրանից չի կործանվի: Լուրջ ենք ասում:
Հիմա սրանք են:
Հայաստանը չի կործանվի, եթե Արցախը կորցնենք:
Հայաստանը չի կործանվի, եթե Ադրբեջանը հայկական տարածքներն ու բարձունքները վերահսկի:
Հայաստանը չի կործանվի, եթե Տիգրանաշենը տանք:
Հայաստանը չի կործանվի, եթե ապրանքները կրկնակի-եռակի թանկանան:
Հայաստանը չի կործանվի, եթե բյուջեն դատարկ լինի:
Հայաստանը չի կործանվի, եթե արտաքին պարտքը չկարողանանք մարել:
Դե, դեռ սովից ոչ ոք չի մահացել, բայց դրա պատասխանն արդեն պատրաստ է:

Ավելի քան 200 պատանի աշխարհի 15 երկրից. Team-ի ավանդական աջակցությամբ անցկացվեց ամենամյա Թումո ճամբարը

armenlur — Mon, 31 Aug 2026 10:56:41 GMT

Հայաստանի և աշխարհի տարբեր երկրների հարյուրավոր պատանիների համար ամառը դարձավ նոր գիտելիքների, տեխնոլոգիական հմտությունների և նոր ընկերների ձեռքբերման հնարավորություն. Team Telecom Armenia-ի աջակցությամբ Հայաստանում անցկացվեց Թումո ճամբար 2026-ը:

Վեց հագեցած շաբաթների ընթացքում ճամբարը միավորել է 15 երկրից և Հայաստանի սահմանամերձ համայնքներից, այդ թվում՝ Արցախից տեղահանված ավելի քան 200 պատանիների՝ ստեղծելով միջավայր, որտեղ մասնակիցները տեխնոլոգիական կրթությունը համատեղել են որակյալ ժամանցի հետ:

«Մեզ համար կարևոր է, որ տեխնոլոգիական կրթության հնարավորությունները հասանելի լինեն հնարավորինս շատ պատանիների՝ անկախ նրանից, թե որտեղ են նրանք ապրում։ Մեր ռազմավարական գործընկերոջ՝ Թումո ստեղծարար տեխնոլոգիաների կենտրոնի այս ճամբարային նախագիծը հենց այնպիսի միջավայր է ստեղծում, որտեղ միավորվում են կրթությունը, ստեղծարարությունը, նոր փորձառություններն և տարբեր երկրներից ժամանած պատանիների շփումը։ Ուրախ ենք մեր աջակցությամբ նպաստելու, որ այս փորձառությանը մասնակցեն նաև Հայաստանի սահմանամերձ համայնքների և Արցախից տեղահանված ընտանիքների երեխաները։ Վստահ ենք՝ նման ծրագրերը կարող են ոչ միայն նոր հմտություններ փոխանցել, այլև ոգեշնչել պատանիներին՝ իրենց ապագան կապելու տեխնոլոգիաների և նորարարության հետ»,-նշում է Team Telecom Armenia-ի հասարակայնության հետ կապերի ղեկավար Գրիգորի Յուրինը:

Ճամբարի ընթացքում մասնակիցները հնարավորություն են ունեցել զարգացնելու իրենց հմտությունները Թումոյի կրթական ուղղություններով՝ ուսումնասիրելով տեխնոլոգիաների, դիզայնի և ստեղծարարության տարբեր ոլորտներ։ Կրթական ծրագրին զուգահեռ պատանիների համար կազմակերպվել են նաև մշակութային, ճանաչողական և ժամանցային միջոցառումներ՝ Հայաստանի պատմամշակութային վայրերի ու տեսարժան անկյունների բացահայտումից մինչև սպորտային և թիմային ակտիվություններ։

Ճանաչողական այցերի շրջանակում ճամբարականներն այս տարի ևս հյուրընկալվել են Team-ի Կապի թանգարանում և դատա կենտրոնում՝ ծանոթանալով Հայաստանում կապի զարգացման պատմությանն ու տեխնոլոգիական էվոլյուցիային:

«Team-ի հետ մեր ռազմավարական գործընկերությունը չափազանց արժեքավոր է մեզ համար։ Այս աջակցության շնորհիվ կարողանում ենք ամառային թումոյական փորձառությունը հասանելի դարձնել սահմանամերձ համայնքների և Արցախից տեղահանված ավելի շատ պատանիների։ Սա կարևոր ներդրում է այս երեխաների ու պատանիների ապագայում, և մենք վստահ ենք, որ մեր համագործակցությունը շարունակական կլինի՝ ժամանակի ընթացքում էլ ավելի ընդլայնելով իր ազդեցությունը»,-նշում է Թումոյի ամառային ճամբարի ղեկավար Լաուրա Բարխուդարյանը։

Team-ը, հավատարիմ լինելով իր ռազմավարությանը, շարունակելու է աջակցել երիտասարդների տեխնոլոգիական կրթությանը:

Գնի՛ր Honor Magic 8 Lite-ը Team-ից և ստացի՛ր ականջակալ, սմարթ ժամացույց և 100 ԳԲ ինտերնետ

armenlur — Fri, 28 Aug 2026 12:25:09 GMT

Նոր ուսումնական տարին՝ նոր հնարավորություններով. Team Telecom Armenia-ն հանդես է գալիս Back to School հատուկ առաջարկով՝ ձեռք բերելով Honor Magic 8 Lite սմարթֆոնը ամսական սկսած 2850 դրամից՝ հաճախորդները կստանան նաև Honor Choice մեծ անլար ականջակալ և Honor Choice 2i սմարթ ժամացույց, ինչպես նաև 100 ԳԲ ինտերնետ՝ 6 ամսով։

Honor Magic 8 Lite-ը համատեղում է ժամանակակից դիզայնը, հզոր տեխնիկական հնարավորություններն ու դիմացկունությունը՝ դարձնելով այն հարմար ուղեկից ինչպես ուսումնական տարվա ինտենսիվ առօրյայում, այնպես էլ ժամանցի և հաղորդակցության համար։

Սմարթֆոնը հագեցած է 108 ՄՊ AI տեսախցիկով, որն ապահովում է բարձրորակ լուսանկարներ, իսկ 7500 մԱժ մարտկոցը՝ երկարատև աշխատանք։ Սարքն աշխատում է նաև նորագույն 5G ցանցում, ունի 8 ԳԲ օպերատիվ հիշողություն`մինչև 16 ԳԲ ընդլայնման հնարավորությամբ, 512 ԳԲ ներքին հիշողություն և ջրի ու փոշու նկատմամբ հզոր պաշտպանություն։ Honor Magic 8 Lite-ը նաև նախատեսված է մինչև 2.5 մետր բարձրությունից ընկնելուն դիմակայելու համար։

«Այսօր տեխնոլոգիաները կրթական գործընթացի անբաժանելի մասն են․ դրանք հնարավորություն են տալիս սովորելու ավելի արագ, բացահայտելու նոր գիտելիքներ, լինելու կապի մեջ և օգտվելու կրթական բազմաթիվ ռեսուրսներից՝ ցանկացած վայրից։ Մեր Back to School առաջարկով ցանկանում ենք նոր ուսումնական տարվա մեկնարկն ավելի հարմար ու տեխնոլոգիական դարձնել՝ մեկ առաջարկում համադրելով սմարթֆոնը, անհրաժեշտ աքսեսուարներն ու ինտերնետը»,-նշում է Team Telecom Armenia-ի կոմերցիոն տնօրեն Տիգրան Ֆրանգյանը:

Honor Magic 8 Lite-ը հնարավոր է ձեռք բերել ինչպես Team-ի վաճառքի և սպասարկման կենտրոններից, այնպես էլ առցանց հարթակից։

Առաջարկը գործում է 14.08.2026-ից մինչև 30.09.2026-ը ներառյալ և հասանելի է միայն ֆիզիկական անձանց։ Մանրամասներին կարող եք ծանոթանալ այստեղ։

Զգուշացեք. կծում է

armenlur — Tue, 14 Jul 2026 08:10:23 GMT

Նախընտրական քարոզարժավի ընթացքում Արաբկիրում Նիկոլ Փաշինյանի հետ վիճած կնոջը՝ թիվ 16 պոլիկլինիկայի կանանց կոնսուլտացիայի բաժնի վարիչ, բժշկական գիտությունների թեկնածու Արփինե Սողոյանին ազատել են աշխատանքից: Որպես պատճառ նշել են հաստիքի կրճատումը:

ՉԻ.- Այս ընտրություններում մի քանի հարյուր հազար քաղաքացի դեմ է քվեարկել Փաշինյանին: Տեսնենք, տեսնենք, ոնց է անելու, բոլորին էլ աշխատանքից զրկելու է՞: Կանի, կանի:

Ասում են, կառավարությունում նոր պոակ-մոակ են ստեղծելու, որը սոցցանցերում հատ-հատ ստուգելու է Փաշինյանին քննադատող ստատուսների լայքերը: Ստուգելու են, ով է լայքում: Եթե պարզապես լայքել են, պարզապես կհանեն գործից, իսկ եթե ղժժացող սմայլիկ են դրել, այստեղ արդեն գործը ԱԱԾ-ին փոխանցելու, որ դրանց տներ մտնեն, հատուկ տափերովը տան:

Այնպես որ, եթե հանկարծ Փաշինյանին տեսնենք, կապ չունի որտեղ, փողոցում, ֆեյսբուքում թե լահմաջոյանոցում, մարգատը միացրեք, աջ թեքվեք, կանգնեք: Կամ գազ տվեք, հեռացեք: Դա երկարացնում է կյանքը:

Հուլիսի 6-12-ի աստղագուշակը՝ ըստ Արտաշես Մանկուլովի

Moder-003 — Sat, 04 Jul 2026 17:00:48 GMT

Խոյ

Ստիպված եք լինելու մեծ ուշադրություն հատկացնել տնային գործերին ու կենցաղային խնդիրներին: 6-9-ին ակտիվության նվազումը, ինքնավստահության պակասը, հոգնածությունը վատ կանդրադառնան ընտանիքում զբաղեցրած դիրքի և հարազատների հետ հարաբերությունների վրա: Ծանր ընտանեկան պարտականությունները կխանգարեն անձնական ծրագրերին ու հետաքրքրություններին:

10-12-ին տանը կարևոր հանդիպումներ ու զրույցներ են սպասվում: Տնային խնդիրների լուծման նոր ծրագրեր կունենաք: Գործնական շփումներ հարազատների հետ:

Ցուլ

Ակտիվ շփումների և հետաքրքրասիրության շրջան է: Ուղևորություններ և ուղևորությունների հետ կապված գործեր շատ կլինեն: 6-9-ին բանակցություններ, կամ էլ մտավոր գործունեություն պահանջող կապերում ու գործերում դժվարություններ, խնդիրներ կառաջանան: Հնարավոր է հարազատներին օգնելու անհրաժեշտություն լինի:

10-12-ին՝ ինքնավստահություն ու համառություն անձնական գաղափարներն արտահայտելիս: Հասարակական կապերի ընդլայնում: Պիտանի հանդիպումներ իշխանություն ունեցող մարդկանց հետ:

Երկվորյակ

Բուռն ֆինանսական գործունեություն, գործնական կլինեք և ամեն ինչում շահ կփնտրեք: 6-9-ին ընկերների, կազմակերպությունների հետ դժվարությունների պատճառով ֆինանսական գործերը կարգելակվեն: Միջոցներն ու գումարը խնայելու անհրաժեշտություն կլինի: Նյութական վիճակը բարելավելու հեռանկարների բացակայություն:

10-12-ին ֆինանսական գործերով շահավետ բանակցություններ կվարեք, գործնական ուղևորություններ կկատարեք: Ֆինանսական գործերում հարազատները կօգնեն: Հաջող միջնորդական գործունեություն:

Խեցգետին

Շարունակվում է Խեցգետնի ամիսը: Իրադարձություններով հարուստ շրջան է: Կմասնակցեք կարևոր գործերի: Կիրագործեք անձնական ծրագրերը: 6-9-ին՝ ծրագրերի արգելակում: Աշխատավայրում ծանր պարտականությունները կխանգարեն անձնական հետաքրքրություններին: Հոգնածություն ու ցածր աշխատունակություն: Դժվարություններ պետհիմնարկների և ղեկավարության հետ:

10-12-ին՝ շահավետ կապերի հաստատում, լավ բանակցություններ, գաղափարները և ծրագրերն առաջ տանելու ունակություն: Պիտանի տեղեկատվություն կստանաք: Սերտ համագործակցություն հարազատների հետ:

Առյուծ

Զանազան պատահականություններից մեծ կախվածություն, տեղի ունեցող ամեն բան բացատրելի չի լինի: 6-9-ին ծանր մասնագիտական պարտականությունները կշեղեն անձնական ծրագրերից և անհանգստություն կառաջացնեն: Արգելակում արտերկրի հետ կապված գործերում: Սառը վերաբերմունք և թյուրըմբռնում ղեկավարության, պաշտոնյաների կողմից:

10-12-ին անսպասելի կարևոր տեղեկատվություն կստանաք: Պիտանի կապեր կհաստատեք, կամ հեշտությամբ վերջ կտաք անպիտան ծանոթություններին: Բարդ գործերից գլուխ հանելու, ձեզ համար կարևոր մի բան հասկանալու հնարավորություն կունենաք:

Կույս

Նորի ու հեռանկարայինի հանդեպ մեծ հետաքրքրության շրջան է: Կմասնակցեք կոլեկտիվ միջոցառումների: 6-9-ը նոր գործերի, պետհիմնարկների հետ կապված դժվարությունների շրջան է: Պայմանների ազդեցության տակ կընկնեք:

10-12-ին ինքնավստահ ու համառ կլինեք ձեր գաղափարներն արտահայտելիս: Հասարակական կապերի ընդլայնում: Լավ առաջարկներ կստանաք:

Կշեռք

Կարևոր որոշումների և ձեռքբերումների շրջան է: Մասնագիտական գործերն առաջ մղելու, հասարակական դիրքը բարելավելու ձգտում: 6-9-ին կարող են խնդիրներ առաջանալ գործընկերների հետ, կամ կարևոր մարդկանց հետ հարաբերությունները կսառչեն: Անձնական իշխանությունն ու հեղինակությունը ձեր նպատակներին ծառայեցնելու փորձերը դժգոհություն կառաջացնեն:

10-12-ին պրակտիկ գործերում ինքնավստահություն ձեռք կբերեք: Հաջող հանդիպումներ ու բանակցություններ կարևոր մարդկանց հետ: Նախաձեռնող կլինեք:

Կարիճ

Այս շրջանում կուզենաք ամբողջությամբ ցույց տալ ձեր ունակությունները, իսկ հնարավորության դեպքում նաև ընդլայնել դրանք: 6-9-ին՝ խնդիրներ աշխատանքի մեջ, դժվարություններ գործատուների հետ: Ձեզ անհրաժեշտ արդյունքներին հասնելու համար ծանր աշխատանքի, կարգապահության ու կազմակերպվածության կարիք կլինի:

10-12-ին՝ արտերկրի կամ արտասահմանցիների հետ կապված գործերի հաջող ընթացք: Հանդիպումներ հեղինակավոր մարդկանց հետ, խոստումներ ու աջակցություն կստանաք:

Աղեղնավոր

Ուշադրություն և ինքնաքննադատություն պահանջող շրջան է: Սովորականից հաճախ պիտի հաշտվեք ձեր կամքից անկախ գոյություն ունեցող իրավիճակների հետ: 6-9-ին ինքնավստահ չեք լինի: Սահմանափակումների անհրաժեշտություն կլինի: Ուրիշի ազդեցության տակ կընկնեք: Իշխանությունն ու կամքը ձեր նպատակներին հասնելու համար օգտագործելու ձգտումը բարդ իրավիճակների կհանգեցնի: Դժվար շրջան է ռոմանտիկ հարաբերությունների համար:

10-12-ին՝ մեծ ինքնավստահություն գործերում, արագ կկողմնորոշվեք: Հաջողություններ համատեղ բիզնեսում, հարկերի ու վարկերի հետ կապված գործերում:

Այծեղջյուր

Անձնական ծրագրերը մեծ չափով կախված կլինեն ուրիշների վարքից ու տրամադրությունից: Գործընկերներից և ամուսիններից մեծ կախվածություն կառաջանա: 6-9-ին տնային հոգսերն ու պարտականությունները կարող են արգելակել գործերի, հարաբերությունների ընթացքը: Ինքնավստահ չեք լինի, հին վիրավորանքները գլուխ կբարձրացնեն:

10-12-ին գործընկերներից լավ առաջարկներ կստանաք, հաջող բանակցություններ կանցկացնեք, համաձայնագրեր կկնքեք: Օգտակար վեճեր:

Ջրհոս

Մտավոր ու ֆիզիկական համառ աշխատանքի շաբաթ է: Մի քանի հարց միաժամանակ լուծելու անհրաժեշտություն կառաջանա: 6-9-ին հնարավոր են դժվարություններ կապերի, բանակցությունների, ուղևորությունների ժամանակ: Չկայացած հանդիպումները, տեղեկատվության պակասը վատ կանդրադառնան աշխատանքի վրա, կարգելակեն գործերը: Հնարավոր են ձգձգումներ ապրանքներ առաքելիս: Ստիպված եք լինելու օգնել հարազատներին նրանց գործերի կարգավորման հարցում:

10-12-ին ճիշտ ծրագրման, ինքնավստահության, գաղափարները կյանքի կոչելու կարողության շնորհիվ գործերում հաջողություններ կունենաք:

Ձկներ

Մեծ ուշադրություն կդարձնեք ձեր անձին, նույնը կպահանջեք շրջապատողներից: Առաջատար լինելու ձգտում: 6-9-ին՝ անձնական գործերի արգելակում, ինքնասահմանափակումների կամ միջոցները խնայելու անհրաժեշտություն: Վատ ժամանակ է հասարակական ու ռոմանտիկ գործերի համար:

10-12-ին ձեր գաղափարներն արտահայտելիս համառ կլինեք: Խոստումներ: Հասարակական կապերի ընդլայնում: Կմասնակցեք հետաքրքիր միջոցառումների:

Հունիսի 29-ից հուլիսի 5-ի աստղագուշակը՝ ըստ Արտաշես Մանկուլովի

Moder-003 — Sat, 27 Jun 2026 17:00:22 GMT

Խոյ

Մեծ ուշադրություն կպահանջեն տնային հոգսերն ու հարազատների գործերը: Կհետաքրքրվեք ընտանիքում զբաղեցրած դիրքով: 29-1-ին՝ ակտիվ շփումներ ընտանիքի անդամների հետ: Տնային գործերի հետ կապված բազմաթիվ զրույցներ կլինեն, ընտանեկան խնդիրներին լուծում կփնտրեք: Կենցաղային գործերով կարճատև ուղևորություններ կկատարեք: Հանդիպումներ հարազատների կամ կոլեգաների հետ:

2-5-ին՝ տարօրինակ հանդիպումներ, հարազատները անսպասելի վարք կդրսևորեն: Անակնկալ ուղևորություններ: Կարևոր տեղեկատվություն կստանաք: Ճանապարհ գնալիս զգույշ եղեք:

Ցուլ

Հանդիպումներ ու զրույցներ են սպասվում: Հետաքրքրասեր կլինեք, կհետաքրքրվեք տեղեկատվությամբ: 29-1-ին կհետաքրքրվեք կրթությամբ, պիտանի ինֆորմացիա կփնտրեք: Համատեղ գործունեություն հարազատների հետ: Արագ կկողմնորոշվեք: Կարևոր որոշումներ կընդունեք:

2-5-ին անսպասելի գումար կստանաք կամ անսպասելի ծախսեր կանեք: Անկայունություն և տարօրինակ իրադարձություններ բիզնեսում: Գործերում նախաձեռնող կլինեք:

Երկվորյակ

Կձգտեք նյութական շահի, կփորձեք բարելավել ձեր ֆինանսական վիճակը: 29-1-ին զբաղված կլինեք ֆինանսական գործերով: Աշխատավարձը բարձրացնելու նպատակով լրացուցիչ կրթություն կստանաք: Պրակտիկ գաղափարների փնտրտուք: Ֆինանսական գործերի հաջող ծրագրում: Հաճախակի գործնական ուղևորություններ:

2-5-ին՝ անկախության ցանկություն, իմպուլսիվություն գործողություններում: Տարօրինակ վարք կդրսևորեք, տրամադրությունը կտրուկ կփոխվի, ուժերը սխալ կներդնեք:

Խեցգետին

Շարունակվում է Խեցգետնի ամիսը: Զբաղված կլինեք անձնական գործերով ու խնդիրներով: Գործունեության մի շարք ոլորտներում կամրապնդեք ձեր դիրքերը: 29-1-ին՝ հետաքրքրասիրություն, ինքնավստահություն, ակտիվություն, գաղափարների ակտիվ փոխանակում: Արագ արձագանք: Մտավոր ոլորտներում մրցակցության ոգի կիշխի: Հաճախակի շփումներ հարազատների հետ:

2-5-ին անսպասելի իրադարձությունները կփոխեն անձնական ծրագրերը: Կհեռանաք գործերից: Ազատության ցանկություն:

Առյուծ

Իրավիճակի հանդեպ թույլ վերահսկողություն, պատահականությամբ պայմանավորված գործողություններ: 29-1-ին ուժեղ ինտուիցիա կունենաք, գերզգայուն կլինեք: Հնարավոր է ստիպված լինեք ինչ-որ գաղտնիք բացահայտել: Գաղափարները հետաքրքիր կլինեն, բայց ոչ կիրառելի: Անհասկանալի իրավիճակներ հարազատների հետ:

2-5-ին՝ գործողություններում ազատության ցանկություն: Գերակտիվություն ընկերների, կազմակերպությունների հետ շփումներում: Գործերի սովորական ընթացքը փոխելու ցանկություն:

Կույս

Բոլոր գործերում նորի ձգտում կառաջանա, կոլեկտիվ գործողություններին մասնակցելու, ընկերների հետ շփվելու անհրաժեշտություն կլինի: 29-1-ին կհետաքրքրվեք գիտելիքներով ու գիտությամբ: Հասարակական գործունեություն: Ընկերների և հասարակական գործերի հետ կապված կարճատև ուղևորություններ: Խնդիրների անսպասելի լուծում, նոր գաղափարներ:

2-5-ին հնարավոր է ծրագրերի կտրուկ փոփոխություն: Աշխատանքի մեջ փոփոխությունների կձգտեք: Ղեկավարության և պաշտոնյաների կողմից անսպասելի գործողություններ:

Կշեռք

Ծրագրերի իրագործման և դիրքերի ամրապնդման համար պայքարի շրջան է: Կազմակերպչական ունակությունները դրսևորելու անհրաժեշտություն կառաջանա: 29-1-ին՝ մասնագիտական, ֆինանսական գործերով շփումներ ու բանակցություններ: Պրակտիկ արժեք ունեցող գաղափարների փնտրտուք: Կապեր գործատուների, ղեկավարության, պաշտոնյաների հետ: Կարևոր գործնական որոշումներ ընդունելու ժամանակն է: Համաձայնագրերի կնքում: Կհետաքրքրվեք քաղաքականությամբ:

2-5-ին հանդուրժող չեք լինի ուրիշների գաղափարների և հեղինակությունների հանդեպ: Կպաշտպանեք ձեր սկզբունքները: Հավանական է արտասահմանի կամ արտասահմանցիների հետ կապված արկածների մեջ ընկնեք:

Կարիճ

Ինքնավստահություն, լավատեսություն, հնարավորություններն ընդլայնելու ձգտում: 29-1-ին կհետաքրքրվեք կրթությամբ և արտասահմանյան ամեն ինչով: Լավ ժամանակ է գիտելիքները հարստացնելու համար: Հեռավոր ուղևորություններին նախապատրաստվելու հետ կապված հաջող գործեր կվարեք: Կարևոր տեղեկատվության շնորհիվ փոփոխություններ հայացքներում: Լուրեր կստանաք:

2-5-ին կյանքում ինչ-որ բան կտրուկ փոխելու ցանկություն կառաջանա: Սակայն իրավիճակը չբարդացնելու համար անհրաժեշտ է առավելագույնս ուշադիր ու զգույշ լինել: Ճանապարհին զգոն եղեք: Բիզնեսում ռիսկի մի դիմեք:

Աղեղնավոր

Փոփոխության սպասումներով և ընտրության պահերով լիքը ծանր ու անկայուն շրջան է: 29-1-ին՝ համատեղ գործերի ու ֆինանսների հետ կապված հաճախակի շփումներ: Կարճատև գործնական ուղևորություններ: Շահի հանդեպ լավ հոտառություն: Իրավիճակի խորքը թափանցելու ձգտում: Ստիպված եք լինելու գլուխ հանել հարկերից ու վարկերից:

2-5-ին գործընկերային հարաբերություններում շատ իմպուլսիվ կլինեք, ինչը կարող է վեճերի և նույնիսկ հարաբերությունների խզման հանգեցնել: Անսպասելի իրավիճակներ գործնական հարաբերություններում կամ ամուսնական կյանքում:

Այծեղջյուր

Հատուկ ուշադրություն կդարձնեք շուրջը տեղի ունեցող ամեն ինչին: Մեծ կախվածություն ուրիշներից: 29-1-ին՝ համագործակցության և գործընկերային հարաբերությունների փնտրտուք: Համատեղ գործերի հետ կապված կարճատև ուղևորություններ: Կարևոր հանդիպումների կազմակերպում: Հաջող բանակցություններ: Կհետաքրքրվեք ամուսինների գործերով:

2-5-ին՝ անսպասելի փոփոխություններ աշխատավայրում, կամ ինքներդ ինչ-որ բան կուզենաք փոխել դրանում: Ընկերները կխառնվեն ձեր գործերին: Շտապողականությունն ու անզսպությունը կարող են վնասել գործերին կամ առողջությանը:

Ջրհոս

Աշխատանք ու հոգսեր են սպասվում: Գործերն ավարտելու համար շատ պիտի ջանաք: 29-1-ին՝ կազմակերպվածություն ու հստակություն մտքերում և արտահայտություններում: Կկարողանաք գլուխ հանել գործերի ու հարաբերությունների մանրուքներից: Աշխատանքի հետ կապված բանակցություններ: Շահի զգացում: Կհետաքրքրվեք առողջությամբ ու սննդակարգով:

2-5-ին կձգտեք ազատության: Իշխանության ցանկություն: Անսպասելի իրադարձություններ սիրելիների հետ հարաբերություններում: Կմասնակցեք հետաքրքիր միջոցառումների:

Ձկներ

Ուժերի վերելքի, դիրքերի ամրապնդման, ուշադրությունը սեփական անձին հրավիրելու շրջան է: 29-1-ին սիրելիների հետ շփումները, հաճելի զրույցները, հետաքրքիր ուղևորությունները կուրախացնեն: Մտավոր գործունեության կամ ուղևորությունների շնորհիվ ռոմանտիկ հնարավորություններ կստեղծվեն: Հաջող գործեր բիզնեսում:

2-5-ին՝ անսպասելի իրադարձություններ տանը, կամ ինքներդ տանը ինչ-որ բան փոխելու, ավանդույթներից հեռանալու ցանկություն կունենաք:

«Տելեկոմ Արմենիա» և «Ազերտելեկոմ» ընկերությունները ստորագրել են ինտերնետ տրաֆիկի տարանցման վերաբերյալ համաձայնագիր

armenlur — Tue, 23 Jun 2026 08:21:45 GMT

«Տելեկոմ Արմենիա» և «Ազերտելեկոմ» ընկերությունները ստորագրել են երկկողմ համաձայնագիր, որը նախատեսում է երկու երկրների տարածքներով տարանցիկ ինտերնետի փոխանցում և մատակարարում՝ կոմերցիոն հիմունքներով։

Համաձայնագրի շրջանակում «Տելեկոմ Արմենիան», հանդիսանալով տարածաշրջանում առաջատար տարանցիկ օպերատոր, ընդլայնում է միջազգային ինտերնետային տրաֆիկի մատակարարման երկրների թիվը և աշխարհագրությունը՝ ապահովելով տարանցումը սեփական ենթակառուցվածքների միջոցով դեպի Ադրբեջան։

Համաձայնագիրը նպատակ ունի նպաստելու տարածաշրջանում կապուղիների դիվերսիֆիկացմանը, հեռահաղորդակցության ցանցերի հուսալիության բարձրացմանը և տելեկոմ ոլորտում համագործակցության զարգացմանը։

Հունիսի 22-28-ի աստղագուշակը՝ ըստ Արտաշես Մանկուլովի

Moder-003 — Sat, 20 Jun 2026 17:00:16 GMT

Խոյ

Ստիպված եք լինելու ավելի շատ ժամանակ տրամադրել տնային գործերին ու կենցաղային խնդիրներին: 22-24-ին լավ կընթանան հատկապես տան ու ընտանիքի հետ կապված ֆինանսական գործերը: Հարազատներից ու մտերիմներից ֆինանսական աջակցություն կստանաք: Տանը հետաքրքիր միջոցառումներ կկազմակերպվեն:

25-28-ին՝ ռոմանտիկ ու գործնական հարաբերությունների ամրապնդում: Անձնական հարաբերություններում ու բիզնեսում պատասխանատվության ուժեղ զգացում: Կկարողանաք համակրանք շահել: Հին ցանկություններն իրագործելու հնարավորություն:

Ցուլ

Ակտիվ շփումների և հետաքրքրասիրության շրջան է: Ուղևորություններ և ուղևորությունների հետ կապված գործեր շատ կլինեն: 22-24-ին շահավետ կապեր հաստատելիս ակտիվ կլինեք, և դա արդյունավետ կլինի: Հաջող ուղևորություններ: Կարևոր տեղեկատվություն կստանաք: Վստահություն ձեռք կբերեք:

25-28-ին՝ հանգիստ, խաղաղ իրավիճակ, ընտանիքի ու տան հետ կապված հոգսերը կնվազեն: Տանը կարևոր հանդիպումներ են սպասվում:

Երկվորյակ

Բուռն ֆինանսական գործունեություն կծավալեք, գործնական կլինեք և ամեն ինչում շահ կփնտրեք: 22-24-ին՝ հաջողություններ ֆինանսական ու պրակտիկ գործերում: Լավ գնումներ կանեք: Բիզնեսի ընդլայնում: Կգիտակցեք ձեր շահը:

25-28-ին հեշտությամբ պիտանի հարաբերություններ ու կապեր կհաստատեք: Հարազատների հետ հարաբերությունների բարելավում, աջակցություն ընկերներից: Հասարակական կամ կոլեկտիվ գործերին մասնակցելիս կկարողանաք հասնել ձեր անձնական նպատակին: Բիզնեսի գործերով հաջող ուղևորություններ կկատարեք:

Խեցգետին

Շարունակվում է Խեցգետնի ամիսը: Իրադարձություններով հարուստ շրջան է: Կմասնակցեք կարևոր գործերի, կիրագործեք ձեր ծրագրերը: 22-24-ին՝ առաջընթաց բիզնեսում և մասնագիտական գործերում: Ձեր դիրքերը բարելավելու և զարգանալու համար նոր հնարավորություններ կբացվեն: Հավանական են անսպասելի առաջարկներ:

25-28-ին՝ հաջող գործեր բիզնեսում: Առաջընթաց մասնագիտական գործերում: Կոնկրետ, պրակտիկ աջակցություն իշխանություն ունեցող անձանցից:

Առյուծ

Զանազան պատահականություններից մեծ կախվածություն, տեղի ունեցող ամեն բան բացատրելի չի լինի: 22-24-ին՝ հաջողություններ անձնական նախաձեռնություններում: Առաջընթաց մասնագիտական գործերում, ճանաչում ու վստահություն ձեռք կբերեք: Բարձր տրամադրություն: Հաջող քաղաքական գործունեություն:

25-28-ին՝ ուրախություն և ինքնավստահություն: Ներդաշնակության զգացումը ռոմանտիկ հարաբերությունների զարգացման և ամրապնդման կբերի: Հեշտությամբ կշփվեք ազդեցիկ մարդկանց հետ: Հաջողություններ արտերկրի հետ կապված գործերում:

Կույս

Նորի, հեռանկարայինի հանդեպ մեծ հետաքրքրության շրջան է: Կմասնակցեք կոլեկտիվ միջոցառումների: 22-24-ին՝ լավ լուրեր, հատկապես՝ արտերկրից: Առաջընթաց բիզնեսում: Լավ օրեր են արտերկրում կոմերցիա ծավալելու համար:

25-28-ին՝ լավ տրամադրություն, հարաբերություններում դրական փոփոխությունների ակնկալիք: Բարյացակամ վերաբերմունք շրջապատողների կողմից: Զգայուն կլինեք գեղեցիկի ու ներդաշնակի հանդեպ: Համատեղ ֆինանսական գործերի լավ արդյունքներ:

Կշեռք

Կարևոր որոշումների և ձեռքբերումների շրջան է: Մասնագիտական գործերն առաջ մղելու, հասարակական դիրքը բարելավելու ձգտում: 22-24-ին՝ առաջընթաց բիզնեսում և մասնագիտական գործերում: Նոր նպատակներ ու ծրագրեր: Համատեղ գործընկերային գործողությունների լավ արդյունքներ: Հին խնդիրները լուծելու հնարավորություն:

25-28-ին հարաբերություններում թեթևություն կլինի, կկարողանաք հուսալի գործընկեր կամ կյանքի ընկեր գտնել: Լավ լուրեր ընկերներից կամ կազմակերպություններից:

Կարիճ

Այս շրջանում կուզենաք ամբողջությամբ ցույց տալ ձեր ունակությունները, իսկ հնարավորության դեպքում նաև ընդլայնել դրանք: 22-24-ին՝ աջակցություն և բարյացակամ վերաբերմունք շրջապատողների կողմից: Գործընկերների կամ հաջող պայմանների շնորհիվ անձնական զարգացման ու գործերի ընդլայնման հնարավորություններ կստեղծվեն: Հրավերներ: Լավ ժամանակ է իրավաբանական գործեր վարելու համար:

25-28-ին՝ պրակտիկ ու մասնագիտական գործերի բարելավում: Աշխատանքի մեջ լավ արդյունքների կհասնեք: Ղեկավարության կամ ազդեցիկ դեմքերի հետ հարաբերությունների բարելավում:

Աղեղնավոր

Ուշադրություն և ինքնաքննադատություն պահանջող շրջան է: Սովորականից հաճախ եք հաշվի նստելու ձեր կամքից անկախ գոյություն ունեցող իրավիճակների հետ: 22-24-ին՝ լավ փոփոխություններ աշխատանքի մեջ, գործերում հաջողակ և աշխատունակ կլինեք: Հաջողություններ համատեղ բիզնեսում: Համագործակցության լավ արդյունքներ:

25-28-ը բարենպաստ օրեր են: Հնարավոր է առաջընթաց բիզնեսում, ֆինանսական ու հասարակական գործերում:

Այծեղջյուր

Անձնական ծրագրերը մեծ չափով կախված կլինեն շրջապատողների վարքից ու տրամադրությունից: Գործընկերներից և ամուսիններից մեծ կախվածության մեջ կհայտնվեք: 22-24-ին անձնական ծրագրերն իրագործելու լավ հնարավորություններ կստեղծվեն: Ձեզ վրա ուշադրություն հրավիրելու ունակություն: Ռոմանտիկ հարաբերությունների բարելավում, անսպասելի իրադարձություններ անձնական կյանքում: Կմասնակցեք կարևոր միջոցառումների:

25-28-ին գերզգայուն կլինեք և ուժեղ ինտուիցիա կունենաք, ինչը կօգնի հարաբերություններում շահի հասնել: Լավ փոփոխություններ տանը, ընտանիքում: Առաջընթաց բիզնեսում:

Ջրհոս

Մտավոր ու ֆիզիկական համառ աշխատանքի շաբաթ է: Մի քանի հարց միաժամանակ լուծելու անհրաժեշտություն կառաջանա: 22-24-ին՝ առաջընթաց աշխատանքի մեջ: Ազնվության ու սկզբունքայնության շնորհիվ վստահություն կշահեք: Բիզնեսի կամ աշխատանքի հետ կապված իրավաբանական գործերի հաջող ընթացք: Լավ միջոցառումներ տանը:

25-28-ին՝ հանգիստ, խաղաղ տրամադրություն: Անձնական հարաբերություններում և բիզնեսում ուժեղ պատասխանատվություն: Շահավետ ծանոթություն, կամ հին գործնական կամ ռոմանտիկ հարաբերությունների վերականգնում:

Ձկներ

Մեծ ուշադրություն կդարձնեք ձեր անձին, նույնը կպահանջեք շրջապատողներից: Առաջատար լինելու ձգտում: 22-24-ին՝ անձնական նպատակներն ու խնդիրներն իրագործելու նոր հնարավորություններ: Ճանաչում: Հաջողություններ ուսման և քաղաքական գործունեության մեջ: Հետաքրքիր տեղեկատվություն կստանաք:

25-28-ին հաջողություններ կունենաք առևտրի մեջ ու բիզնեսում: Աշխատավայրում ձեր դիրքերի կայունացում: Խնայելու հնարավորություն կլինի: Ֆինանսական գործերի հաջող ընթացք:

Հունիսի 15-21-ի աստղագուշակը՝ ըստ Արտաշես Մանկուլովի

Moder-003 — Sat, 13 Jun 2026 17:00:24 GMT

Խոյ

Աստիճանաբար կանցնի անհանգստության, հաճախակի հանդիպումների, լարված մտավոր աշխատանքի շրջանը, և կսկսվի տնային խնդիրների հանդեպ հատուկ ուշադրության շրջանը: 15-18-ին՝ տարօրինակ հանդիպումներ, հարազատները անսպասելի վարք կդրսևորեն: Անակնկալ, բայց հաջող ուղևորություններ: Կարևոր տեղեկատվություն կստանաք: Համոզելու և համակրանք առաջացնելու կարողություն: Լավ ժամանակ անցկացնելու հնարավորություն կլինի:

19-21-ին կենցաղային գործերով կարճատև ուղևորություններ կկատարեք: Տան համար հաջող գնումներ կանեք: Տանը փոքրիկ վերանորոգում կսկսեք, հարմարավետություն կստեղծեք:

Ցուլ

Նյութական խնդիրների հանդեպ հետաքրքրությունը կփոխարինվի տեղեկատվական ոլորտի, շփման հանդեպ հետաքրքրությամբ: 15-18-ը լավ ժամանակ է ֆինանսական գործերում և բիզնեսում նախաձեռնություն ցուցաբերելու համար: Անսպասելի գումար կստանաք: Հեշտությամբ կլուծվեն ֆինանսների հետ կապված խնդիրները: Հաջողակ կլինեք: Հարազատները կաջակցեն:

19-21-ին ակտիվորեն կապեր կհաստատեք, կկարողանաք համոզել, արագ կկողմնորոշվեք: Համատեղ գործեր հարազատների հետ: Անձնական գործերով կարճատև ուղևորություններ կկատարեք:

Երկվորյակ

Վերջանում է Երկվորյակի ամիսը, և անձնական գործերով հետաքրքրությունը փոխարինվում է սեփական նյութական վիճակով հետաքրքրությամբ: 15-18-ին անսպասելի հանդիպումներն ու ծանոթությունները հետաքրքիր և օգտակար կլինեն: Հարազատների հետ կապված խնդիրների անսպասելի լուծում: Ինքնատիպ վարքը կամ գաղափարները կարող են համակրանք առաջացնել: Սակայն հնարավոր է տրամադրության կտրուկ փոփոխություն, կամ ուժերը սխալ ուղղությամբ կներդնեք:

19-21-ին ֆինանսական գործերում, գնումներ անելիս հաջողակ կլինեք: Շահի հանդեպ լավ հոտառություն: Խնայելու հնարավորություն կլինի:

Խեցգետին

Վերջանում է անորոշության և տարօրինակ իրադարձությունների շրջանը, և հունիսի 21-ից սկսվում է Խեցգետնի ամիսը, որը ուժերի և գործերում անձնական մասնակցության աճ կբերի: 15-18-ին անսպասելի իրադարձությունները հաջողությամբ կփոխեն ֆինանսական գործերի ընթացքը: Շահի ուժեղ զգացում: Հեշտությամբ կթաքցնեք բիզնեսում ձեր անձնական ծրագրերը և դրանից շահ կունենաք: Հնարավոր է վերադարձնեն պարտքերը:

19-21-ին ակտիվորեն կձգտեք շփումների և նորությունների: Համատեղ գործեր ու հանդիպումներ ընկերների հետ: Արագ կկողմնորոշվեք: Ընկերների կամ կազմակերպությունների գործերով ուղևորությունների անհրաժեշտություն կլինի:

Առյուծ

Այս շաբաթ վերջանում է նորություններ ու փոփոխություններ բերող շրջանը, և սկսվում է սպասումների, անորոշության, պատահականություններից մեծ կախվածության շրջանը: 15-18-ին գործողություններում ազատության կձգտեք, կուզենաք փոխել գործերի սովորական ընթացքը: Ուշադրությունը ձեզ վրա հրավիրելու և համակրանք առաջացնելու ունակություն: Ակտիվություն հասարակական գործերում: Աջակցություն ընկերներից:

19-21-ին կարևոր հարցերը լուծելիս կամ նպատակին ընթանալու ճանապարհին անսպասելի հաջողություն կունենաք: Բարդ խնդիրները լուծելու հնարավորություն:

Կույս

Վերջանում է ծրագրերի իրագործման, դիրքերի համար պայքարի շրջանը: Սկսվում է նոր գաղափարների և զարգացման նոր ուղղությունների փնտրտուքի շրջանը: 15-18-ին հնարավոր են ծրագրերի, գործողությունների ուղղվածության կտրուկ փոփոխություններ, որոնք կթելադրվեն ինտուիցիայի կողմից: Կարևոր գործերում և աշխատանքի մեջ կձգտեք փոփոխությունների: Պաշտոնյաների, ղեկավարության կողմից անսպասելի գործողություններ, որոնք կօգնեն որոշ խնդիրներ լուծել:

19-21-ին նոր ծրագրերի, հնարավորություններն ընդլայնելու համար կապեր ու նոր ծանոթություններ կփնտրեք: Բանակցություններ կարևոր մարդկանց հետ: Արտերկրից հետաքրքիր լուրեր կստանաք:

Կշեռք

Այս շաբաթ վերջանում է որոշակի ծրագրերի և հույսերի իրագործման շրջանը: 15-18-ին՝ օգտակար նախաձեռնություններ և անսպասելի գաղափարներ: Հաջող մասնակցություն կոլեկտիվ, հասարակական գործերին: Անսպասելի իրավիճակներ կամ առաջարկներ արտասահմանցիների կամ ազդեցիկ մարդկանց կողմից:

19-21-ին՝ ակտիվություն համատեղ գործերում ու բիզնեսում: Շահի հանդեպ լավ հոտառություն: Համատեղ գործերի լավ արդյունքներ: Հարկերի ու վարկերի հետ կապված հաջող գործեր:

Կարիճ

Այս շաբաթ վերջանում է ծանր ու անկայուն շրջանը, և սկսվում է ինքնավստահության, հնարավորությունների ընդլայնման շրջանը: 15-18-ին ֆինանսական, պրակտիկ, մասնագիտական գործերում ինչ-որ բան հիմնովին փոխելու ցանկություն կառաջանա: Սակայն անհրաժեշտ է առավելագույնս ուշադիր ու զգույշ լինել ճիշտ ընտրություն կատարելու համար: Աջակցություն բիզնեսում: Ազդեցիկ մարդկանց հետ հարաբերությունների բարելավում: Ճանապարհին ուշադիր եղեք:

19-21-ին՝ նոր հնարավորություններ հանդիպումների, բանակցությունների ժամանակ: Կարևոր գործընկերներից լավ առաջարկներ կստանաք: Հարաբերությունների բարելավում:

Աղեղնավոր

Վերջանում է շրջապատողներից մեծ կախվածության շրջանը, և սկսվում է փոփոխությունների, անկայունության, կասկածների շրջանը: 15-18-ին գործընկերային հարաբերություններում անկանխատեսելիություն կլինի, ինչը կարող է նոր ծրագրերի ու գաղափարների հանգեցնել: Ազդեցիկ մարդկանց կամ արտասահմանցիների հետ հարաբերությունները կարգավորելու հնարավորություն կլինի: Գործընկերության մեջ անակնկալներ կլինեն:

19-21-ին՝ ակտիվություն համատեղ ֆինանսների, բիզնեսի, հարկերի հետ կապված գործերում: Առողջության հետ կապված կարևոր որոշումներ կընդունեք:

Այծեղջյուր

Այս շաբաթ վերջանում է աշխատանքով ու հոգսերով ծանրաբեռնված շրջանը: Ավելի շատ կհուզեն շրջապատողների հետ հարաբերությունները: 15-18-ին՝ աշխատանքի մեջ անսպասելի փոփոխություններ, կամ ինքներդ կուզենաք դրանում ինչ-որ բան փոխել: Շահի հանդեպ լավ հոտառություն: Համատեղ գործերի ու համատեղ բիզնեսի լավ արդյունքներ: Առողջության անսպասելի բարելավում: Շահավետ առաջարկներ: Հաջող ֆինանսական օպերացիաներ:

19-21-ին սեփական ծրագրերն ու որոշումներն առաջ տանելիս ուժ դրսևորելու ցանկություն և ինքնավստահություն: Հաճախակի հանդիպումներ ու բանակցություններ, այդ թվում՝ հարազատների հետ:

Ջրհոս

Այս շաբաթ վերջանում է միայն սեփական հետաքրքրությունների համար ակտիվ գործողությունների շրջանը: Տնային հոգսերը կշատանան, կծանրաբեռնվեք աշխատանքով: 15-18-ին գործողություններում ազատության ձգտելը, իշխանության և առաջնորդելու ցանկությունը գործնական ու ռոմանտիկ հարաբերություններում փոփոխություններ կբերի: Նոր գործընկերներ գտնելու հնարավորություն: Կկարողանաք ձեր մասին լավ կարծիք ձևավորել: Բարյացակամ վերաբերմունք շրջապատողների կողմից:

19-21-ին աշխատունակ կլինեք, տնային գործերում ակտիվություն կցուցաբերեք: Գործերում ու տանը կարգուկանոն կհաստատեք:

Ձկներ

Ընտանեկան խնդիրներն ու հոգսերը կնվազեն, և ուժերի վերելքի բարենպաստ շրջան կսկսվի: 15-18-ին տանը և գործերում կարգուկանոն հաստատելու, աշխատավայրում ինչ-որ բան փոխելու անսպասելի անհրաժեշտություն կառաջանա: Տան համար գնումներ կանեք: Հոգ կտանեք առողջության մասին, կբարելավեք այն: Որոշ ընտանեկան խնդիրներ կլուծվեն:

19-21-ին՝ ակտիվություն ու նախաձեռնողականություն հանդիպումների, ծանոթությունների, բանակցությունների ժամանակ: Ինքնավստահ երևալու ձգտում: Հնարավոր է հանգստի մեկնեք: Զվարճանքներ:

«Ուղիղ Խոսք» 122. «Էս էլ, ու պըլծ»․ Կեղծել եմ՝ լավ եմ արել

armenlur — Fri, 12 Jun 2026 08:21:24 GMT

💥1991TV յութուբյան ալիքում ներկայացնում ենք քաղաքական մեկնաբան Արմեն Բաղդասարյանի «Ուղիղ Խոսք» հեղինակային հաղորդաշարի հերթական՝ 122-րդ թողարկումը։

Նիկոլ Փաշինյանի հետընտրական երազը

Moder-003 — Thu, 11 Jun 2026 18:00:27 GMT

Ինքը որոշել է իրենց գյուղի տանը ընտրություններին մասնակցած բոլոր ուժերի լիդերներին պատիվ տալ։ Այգում երկու սեղան է գցել։ Մեկը անցողիկ շեմը հաղթահարածների համար, մյուսը՝ չհաղթահարածների։ Հովակիմյան Վահագը անընդհատ վազքի մեջ է։ Բաժակներն ու ափսեներն է հաշվում, անձեռոցիկները ուղղում, շշերը բացում․․․ Հյուրերն ուր որ է կգան, բայց Արամ Զավենիչը դեռ նույնիսկ կրակը չի կարողացել վառել։ «Հա, ես ի՞նչ անեմ, խեղճ-խեղճ արդարանում է Վահագը, ինչքան թուղթ եմ տալիս, փոխանակ դրանցով կրակը վառի՝ վրան կլյաուզաներ ա գրում․․․»։

Հյուրերը սկսում են հավաքվել։ Ինքը, սեղանի գլխին նստած ու արդեն մի քանի բաժակ տեղական արտադրանք իրացրած, հերթով հրավիրում է․ «Արի, արի, Ռոբերտ Սեդրակիչ, արի հենց կողքս էլ նստի։ Կարաս էս հնդուշկան էլ մինչև քոքը մաշացնես»։ «Ես դեռ չեմ որոշել, բայց պատրաստ եմ և՛ նստել, և՛ չնստել, նայած՝ թե մյուսներն ինչ կորոշեն», ասում է Քոչարյանը։ «Ա՛յ ցավդ տանեմ, ես քեզ չե՞մ ասել՝ երկար ժամանակով նստելու ես», ծիծաղում է ինքը։ «Համ էլ՝ տեսախցիկներ չկան, հանգիստ արի քո արժանի տեղը նստի, դու որ չլնեիր՝ ոչ էս սեղանը կլներ, ոչ էլ ես սեղանի գլխին նստած կլնեի»։ Ապա դիմում է Նարեկ Կարապետյանին․ «Նարեկ ջա՞ն, արի։ Հոպարը ո՞նց ա։ Նստի։ Օղի լցրու, կարտոշկա վերցրու․․․»։ «Մենք դեռ չենք որոշել՝ կարտոշկաները վերցնո՞ւմ ենք, թե՞ ոչ», պատասխանում է նա, ապա, տեսնելով, որ օղին ռուսական չէ, արհամարհանքով մի կողմ հրում։

Այդ պահին լսվում է Գագիկ Ծառուկյանի ձայնը․ «Բա ես հիմա ասենք թե համապատասխան ո՞ր սեղանի մոտ նստեմ»։ «Տո հենց սեղանների մեջտեղն էլ նստի գետնին», ասում է ինքը․․․

Կամաց-կամաց բոլորը հավաքվում են։ Արման Թաթոյանը, աջուձախ բոլորին թարս չափելով, նստում է երկրորդ սեղանի գլխին ու սկսում խաշած հավերի միասնության թևերը պոկել։ Հայկ Մարությանը ձեռքով բարևում է բոլորին՝ անընդհատ ասելով «հաճելի ա, հաճելի ա», իսկ Էդմոն Մարուքյանը չի շտապում նստել։ «Ա՛յ քո կլասիկ ցավը տանեմ, ուզո՞ւմ ես արի կողքս նստի», ասում է գետնին նստած Ծառուկյանը։ «Էդ սպառնըմ ե՞ս», պատասխանում է Էդմոնը ու շտապում տեղավորվել սեղանի շուրջ․․․

Ինքը բարձրացնում է բաժակը, որպեսզի առաջին կենացն ասի, բայց նկատում է, որ բաժակի մեջ ճանճ կա։ Մատով կանչում է Վահագին․ «Էն թազա աֆիցանտին ասա, թող ուրիշ բաժակ բերի, դու էլ մոխրամաննե՛րը փոխի»։ Վահագը կիսաձայն բացատրում է, որ իր ցույց տվածը նոր մատուցող չի, Շնորհապետականի թեկնածուն է․․․ Ինքը սկսում է կենացը․ «եվ այսպես, մենք անցկացրեցինք ազատ-արդար ընտրություններ․․․»։ Այս խոսքերի վրա Վահագը փռթկում է։ «Ի՞նչ ես բերանդ բացել, արա՛», գոռում է ինքը ու ձեռքի ոսկորը շպրտում նրա ուղղությամբ, բայց նա ճարպկորեն խուսափում է ու մի կողմ փախչում։ Ոսկորն ընկնում է մի քանի մետր այն կողմ՝ թփերի տակ, ու անմիջապես էլ այնտեղից նախ շան կաղկանձ է լսվում, ապա՝ գոհ կրթկրթոց։ Ինքն ինչ-որ բան է հիշում ու մոտ կանչում Աննային․ «Էս Դանչոյին չե՞նք հրավիրել»․․․ Ապա շարունակում է կենացը․ «Եթե հիշում եք՝ ես տարիներ առաջ ասել էի, որ ավելի լավ ա գետինը մտնեմ, քան ընտրություններ կեղծեմ»։ Նույն պահին էլ աթոռի տակի հողը բացվում է, ու ինքը գետինն է մտնում․․․

Այգում միանգամից մեռելային լռություն է տիրում։ Վահագը անմիջապես հանում է գրպանում պատրաստ պահած կեղծամը, քաշում գլխին, բեղեր կպցնում ու դուրս փախչում։ Մյուսներից շատերը սփրթնում են, գրպաններից հանում հեռախոսներն ու զանգում տարբեր երկրների դեսպանատներ։ Միայն Քոչարյանն է անձնազոհաբար նետվում դեպի փոսը՝ փորձելով փրկել իրեն ու գոռալով՝ «Բռա՛տ, բռա՛տ, ինձ մենակ մի՛ թող, կռելո՛ւ ենք․․․»։

Արթնանում է ծանր գլխով։

«Ուղիղ Խոսք» 121. Բարոյական հաղթանակների ժամանակը չէ, վերցրե՛ք մանդատները

armenlur — Wed, 10 Jun 2026 11:40:12 GMT

💥1991TV յութուբյան ալիքում ներկայացնում ենք քաղաքական մեկնաբան Արմեն Բաղդասարյանի «Ուղիղ Խոսք» հեղինակային հաղորդաշարի հերթական՝ 21-րդ թողարկումը։

Team Telecom Armenia-ն կապահովի Firebird-ի AI մեգանախագծի կոմունիկացիոն և ինտերնետ ենթակառուցվածքը

armenlur — Wed, 10 Jun 2026 07:50:59 GMT

Team Telecom Armenia-ն կապահովի Firebird AI-ի արհեստական բանականության մեգանախագծի կոմունիկացիոն և ինտերնետ ենթակառուցվածքը՝ մագիստրալային, հաջորդ սերնդի օպտիկամանրաթելային ցանցի միջոցով:
Firebird-ի տվյալների կենտրոնը, որն արդեն անցել է կառուցման և սարքավորումների տեղակայման եզրափակիչ փուլ, դառնալու է տարածաշրջանի ամենախոշոր արհեստական բանականության տվյալների կենտրոնը տարածաշրջանում: Նման մասշտաբի ենթակառուցվածքների արդյունավետ և անխափան աշխատանքն անհնար է պատկերացնել առանց գերհուսալի և բարձր թողունակությամբ կապի համակարգերի:
«Տարիների ընթացքում շարունակական ներդրումների արդյունքում Team Telecom Armenia-ն տարածաշրջանի մասշտաբով դարձել է կոմունիկացիաների եզակի հանգույց։ Մենք այսօր Հայաստանից դուրս 4 ուղղությամբ դիվերսիֆիկացված կապուղիներ ունենք, ինչը լիարժեքորեն համապատասխանում է դատա կենտրոնների կառուցման համար միջազգային չափանիշներին։ Team-ի ենթակառուցվածքը դառնում է մեգանախագծի թվային ողնաշարը՝ Հայաստանում գործարկվող ԱԲ գործարանը կապելով համաշխարհային թվային էկոհամակարգի հետ և ապահովելով տվյալների արագ, անվտանգ և անխափան փոխանցում»,-ԱԲ կենտրոնի տարածքում կատարած առաջին շրջայցի ընթացքում նշել է Team Telecom Armenia-ի գլխավոր տնօրենի տեղակալ Արամ Բարսեղյանը:
Team Telecom Armenia-ն նախագծի համար ապահովում է մինչև 1 Տերաբիթ/վայրկյան թողունակությամբ կապ՝ պահանջարկի աճին համընթաց հետագա ընդլայնման զգալի հնարավորությամբ: Ընկերության հաջորդ սերնդի օպտիկամանրաթելային ցանցը հնարավորություն է տալիս սպասարկելու արհեստական բանականության և բարձր արտադրողականության հաշվարկների ոլորտի ամենապահանջկոտ ենթակառուցվածքները՝ ապահովելով տվյալների գերարագ փոխանցում և միջազգային կապուղիների բարձր հուսալիություն:
ԱԲ մեգակենտրոնի կառուցման աշխատանքներում ներգրավված են նաև Team ընկերությունների խմբի Team Construct, Team Systems և Team Energy ընկերությունները:
Firebird-ի առաջին փուլում տվյալների կենտրոնում կգործի ավելի քան 6000 NVIDIA Blackwell GPU, որոնք կապահովեն մինչև 110.6 էքսաֆլոպ արհեստական բանականության հաշվարկային հզորություն: Հետագա ընդլայնման փուլերում նախատեսվում է ենթակառուցվածքի բազմակի աճ, ինչի համար կարևոր նշանակություն ունի նաև համապատասխան հեռահաղորդակցական միջավայրի առկայությունը:

«Ուղիղ Խոսք» 120. Գրասենյակը մեռավ․ լռության օր՝ ընտրություններից հետո

armenlur — Tue, 09 Jun 2026 13:35:24 GMT

💥1991TV յութուբյան ալիքում ներկայացնում ենք քաղաքական մեկնաբան Արմեն Բաղդասարյանի «Ուղիղ Խոսք» հեղինակային հաղորդաշարի հերթական՝ 120-րդ թողարկումը։

«Ուղիղ Խոսք» 119. Սողացող հաղթանակ և «փշալարերին մնացած» հանրաքվե

armenlur — Mon, 08 Jun 2026 10:20:46 GMT

💥1991TV յութուբյան ալիքում ներկայացնում ենք քաղաքական մեկնաբան Արմեն Բաղդասարյանի «Ուղիղ Խոսք» հեղինակային հաղորդաշարի հերթական՝ 119-րդ թողարկումը։

Հեշտ ու համեղ. Հունական տաք նախուտեստ՝ բույուրդի

brutyanlusine91 — Sun, 07 Jun 2026 11:00:17 GMT

Բույուրդին ամենահայտնի հունական նախուտեստներից է: Դասական բույուրդին պատրաստում են լոլիկով, պղպեղով ու ֆետա պանրով:

Մենք առաջարկում ենք պատրաստել այս ուտեստի լոլիկով ու սնկով տարբերակը, որոնք նրա համն ավելի հագեցած կդարձնեն:

Բաղադրիչները
4 բաժնի համար

2 հատ լոլիկ
6 հատ շամպինյոն
300 գ ֆետա պանիր
1 գլուխ սոխ
2 պճեղ սխտոր
1 փունջ մաղադանոս
1 ճ.գ. բալզամային քացախ
2 ճ.գ. ձիթապտղի ձեթ
1 թ.գ. մեղր
աղ, աղացած սև պղպեղ, աղացած մշկընկույզ (мускатный орех)՝ ըստ ճաշակի

Պատրաստման եղանակը

Սխտորը բարակ տաշեղների ձևով կտրատեք: Սոխն ու լոլիկը կիսաօղակաձև կտրատեք: Բարակ շերտերով կտրատեք նաև սունկը: Խորանարդաձև կտրատեք ֆետա պանիրը: Մաղադանոսը մանր կտրատեք:
Տապակը պատեք ձիթապտղի ձեթով, վրան շարեք կտրտած պանիրը, սխտորն ու սոխը:
Ապա շերտ-շերտ հերթափոխելով՝ շարեք լոլիկն ու սունկը: Աղ ու պղպեղ արեք, վրան լցրեք կտրտած մաղադանոսի մի մասը:
Պատրաստեք սոուսը: Դրա համար պետք է խառնել ձիթապտղի ձեթը, բալզամային քացախը, մեղրը, աղացած պղպեղն ու մշկընկույզը:
Ստացված սոուսը լցրեք տապակի պարունակության վրա, այն ծածկեք փայլաթիթեղով ու 20-25 րոպեով տեղադրեք 200 աստիճան ցելսիուս տաքության ջեռոցում:
Առաջին 10 րոպեն տապակեք փայլաթիթեղով, հետո՝ առանց փայլաթիթեղի:
Մատուցեք տաք վիճակում:

Հունիսի 8-14-ի աստղագուշակը՝ ըստ Արտաշես Մանկուլովի

Moder-003 — Sat, 06 Jun 2026 17:00:22 GMT

Խոյ

Ակտիվ շփումների և հետաքրքրասիրության շրջան է: Ուղևորություններ և ուղևորությունների հետ կապված գործեր շատ կլինեն: 8-11-ին՝ անհանգստություն ու տագնապ, ոգեշնչվածության բացակայություն, նախաձեռնող չեք լինի: Ծանր պարտականություններ: Հոգնածության հետևանքով առողջության թուլացում: Բարդ զրույցներ ընտանիքում:

12-14-ին՝ տնային գործերի հետ կապված շփումներ և կարճատև ուղևորություններ, գնումներ տան համար:

Ցուլ

Բուռն ֆինանսական գործունեություն կծավալեք, գործնական կլինեք և ամեն ինչում շահ կփնտրեք: 8-11-ին՝ ձգձգումներ հանդիպումների ժամանակ և չնախատեսված դժվարություններ բանակցելիս: Անհաջողություններ ճանապարհ գնալիս: Արագ կհոգնեք: Անհանգստություն ու տագնապալից մտքեր:

12-14-ին ակտիվորեն առաջ կտանեք անձնական գաղափարները, հետաքրքիր զրույցներ կվարեք, աշխատանքի կամ հարազատների հետ կապված գործերով ուղևորություններ կկատարեք:

Երկվորյակ

Շարունակվում է Երկվորյակի ամիսը: Իրադարձություններով հարուստ շրջան է: Կմասնակցեք կարևոր գործերի, կիրագործեք ձեր ծրագրերը: 8-11-ին՝ անհաջողություններ պրակտիկ գործերում: Բիզնեսում հեռանկարների բացակայություն: Ֆինանսական խնդիրներ կարող են առաջանալ:

12-14-ին՝ ակտիվություն և խելամտություն ֆինանսական գործերում, շահի հանդեպ լավ հոտառություն և հաջող գնումներ:

Խեցգետին

Զանազան պատահականություններից մեծ կախվածություն: Տեղի ունեցող ամեն բան բացատրելի չի լինի: 8-11-ին՝ վատատեսություն, անհանգստություն ու տագնապ: Դժվարություններ կունենաք ղեկավարության և պաշտոնյաների հետ հարաբերություններում: Իրավաբանական դժվարություններ, թղթաբանական քաշքշուկ, տհաճություններ պետհիմնարկների հետ:

12-14-ին՝ արագ կռահողականություն, ակտիվություն հասարակական գործերում, գաղափարներն առաջ տանելու հնարավորություն:

Առյուծ

Նորի ու հեռանկարայինի հանդեպ մեծ հետաքրքրության շրջան է: Կմասնակցեք կոլեկտիվ միջոցառումների: 8-11-ին անսպասելի հոգսերն ու անօգուտ մտորումները թույլ չեն տա կենտրոնանալ կարևոր գործերի վրա: Չկայացած հանդիպումներ և անպտուղ բանակցություններ:

12-14-ին՝ գործերի հաջող ծրագրում, արդյունավետություն աշխատանքի մեջ, կռահողականություն:

Կույս

Կարևոր որոշումների և ձեռքբերումների շրջան է: Մասնագիտական գործերն առաջ մղելու, հասարակական դիրքը բարելավելու ձգտում: 8-11-ը անհաջող օրեր են: Դժվարությամբ գլուխ կհանեք ձեր գլխին թափված նորություններից: Բացի այդ, կխանգարեն անվստահությունն ու կասկածները: Հարկերի հետ կապված խնդիրներ կառաջանան, դժվարություններ կլինեն համատեղ բիզնեսում:

12-14-ին ակտիվորեն կապեր կհաստատեք ազդեցիկ մարդկանց հետ, կաշխատեք արտերկրի հետ կապված գործերն առաջ մղելու ուղղությամբ:

Կշեռք

Այս շրջանում կուզենաք ամբողջությամբ ցույց տալ ձեր կարողությունները, իսկ հնարավորության դեպքում նաև ընդլայնել դրանք: 8-11-ին՝ խնդիրներ գործնական, սիրային հարաբերություններում և մասնագիտական գործերում: Կոշտ մրցակցություն: Կարևոր մարդկանց կամ պետհիմնարկների կողմից աջակցության բացակայություն:

12-14-ին՝ ուժեղ նպատակասլացություն, շահի զգացում, հաջողություններ համատեղ գործերում:

Կարիճ

Ուշադրություն և ինքնաքննադատություն պահանջող շրջան է: Սովորականից հաճախ եք հաշվի նստելու ձեր կամքից անկախ գոյություն ունեցող իրավիճակների հետ: 8-11-ին՝ լավ գաղափարների և հեռանկարների բացակայություն: Ծանր պարտականությունների կատարում: Անբարենպաստ մթնոլորտ աշխատավայրում: Օրգանիզմը թույլ կլինի: Ձգձգումներ արտերկրի հետ կապված գործերում:

12-14-ին՝ նոր հեռանկարներ համագործակցության մեջ, ազդեցիկ գործընկերների փնտրտուք: Հարաբերությունների բարելավում:

Աղեղնավոր

Անձնական ծրագրերը մեծ չափով կախված կլինեն շրջապատողների վարքից ու տրամադրությունից: Գործընկերներից և ամուսիններից մեծ կախվածություն կառաջանա: 8-11-ին կասկածամիտ ու քննադատող կլինեք, ինչը կխանգարի հասարակական ու ռոմանտիկ գործերին: Ուրիշի ազդեցության տակ կընկնեք:

12-14-ին՝ ինքնավստահություն և նախաձեռնողականություն գործերում, աշխատանքի մեջ, հաջողություններ համատեղ բիզնեսում:

Այծեղջյուր

Մտավոր ու ֆիզիկական համառ աշխատանքի շաբաթ է: Մի քանի հարց միաժամանակ լուծելու անհրաժեշտություն կառաջանա: 8-11-ին՝ անհանգստություն ու տագնապ: Տնային ծանր պարտականությունները կազդեն շրջապատողների հետ հարաբերությունների վրա: Կենսական ուժերի անկում:

12-14-ին՝ ակտիվ համագործակցություն, անձնական հեղինակության աճ, լավ համաձայնություններ:

Ջրհոս

Մեծ ուշադրություն կդարձնեք ձեր անձին, նույնը կպահանջեք շրջապատողներից: Առաջատար լինելու ձգտում: 8-11-ին՝ անհանգստություն, դժվարություններ գործերը ծրագրելիս: Վատ օրեր են աշխատանք փնտրելու կամ ազդեցիկ մարդկանց հետ շփվելու համար: Հարազատների հետ հարաբերություններում սառնություն կնկատվի:

12-14-ին՝ հաջող գործեր տանը: Ընտանիքում հարաբերությունների բարելավում: Տան համար լավ գնումներ կանեք: Տանը կարևոր միջոցառումների կազմակերպում:

Ձկներ

Ստիպված եք լինելու մեծ ուշադրություն դարձնել տնային գործերին ու կենցաղային խնդիրներին: 8-11-ին՝ վատատեսություն, անինքնավստահություն, ոգեշնչվածության և գործողություններում ազատության բացակայություն: Գումարի պակասը թույլ չի տա իրագործել ձեր ծրագրերն ու ցանկությունները:

12-14-ին՝ մեծ ակտիվություն ու նախաձեռնողականություն ծանոթությունների, զրույցների, վեճերի ժամանակ: Հանգստի և զվարճանքների նպատակով կարճատև ուղևորություններ կկատարեք:

Կրոմվելը վկա

Moder-003 — Fri, 05 Jun 2026 20:45:18 GMT

ՀՀ դատախազությունը 2008թ. մարտի 1-ի դեպքերի առթիվ քրեական հետապնդում է հարուցել ԱԱԾ նախկին տնօրեն Գորիկ Հակոբյանի նկատմամբ:

«ՉԻ». Վերջապես: Հազիվ արա, ինչքան էինք սպասել: Վերջը կդատեն այդ Գորիկ Հակոբյանին: Ճիշտ է, վերջինս արդեն որոշ ժամանակ է, ինչ կյանքից հեռացել է, ավելի կոնկրետ՝ 9 տարի, բայց դե դա մանրուք է:

Մենք նույնիսկ մտածում էինք, որ Գորիկ Հակոբյանի դեմ քրեական գործ կհարուցեն 2050թ. հունիսի խորհրդարանական ընտրությունների նախաշեմին, բայց չէ, որոշեցին, որ այս ընտրություններն էլ վատը չեն:

Այնպես որ, կդատեն: Չգիտենք՝ ոնց, բայց կդատեն: Երևի Օլիվեր Կրոմվելի պես: Վերջինս Անգլիայի ղեկավարն էր, 1658 թվին մեռավ, մի տարի հետո նրա հանդեպ քրեական գործ հարուցեցին, հետմահու մահապատժի վճիռ կայացրին, ու 1661 թվականին գերեզմանից հանած նրա մարմինը Լոնդոնի կենտրոնում կախաղան հանեցին:

Այնպես որ, չզարմանաք, եթե պատմությունը կրկնվի: Մանավանդ, որ խառը, հեղափոխական ժամանակներ են, Ռուբեն Ռուբինյանն էլ գոռացել է, որ վենդետա լինելու է:

«Ուղիղ Խոսք» 118. Քարոզարշավն ավարտվեց, «բռնոցին» սկսվեց

armenlur — Fri, 05 Jun 2026 11:00:26 GMT

💥1991TV յութուբյան ալիքում ներկայացնում ենք քաղաքական մեկնաբան Արմեն Բաղդասարյանի «Ուղիղ Խոսք» հեղինակային հաղորդաշարի հերթական՝ 118-րդ թողարկումը։

«Գրական դավադրություններ» 25. Չարի և բարու պայքարը

armenlur — Thu, 04 Jun 2026 15:00:14 GMT

💥1991TV յութուբյան ալիքում դիտեք հրապարակախոս Լևոն Զարգարյանի և գրող Առաքել Սեմիրջյանի «Գրական դավադրություն» պոդքաստի 25-րդ թողարկումը։

🔍 ԹԵՄԱՆԵՐ

➤ Գյոթե. «Ֆաուստ», Էրիկ Հոֆեր. «Համոզված մարդը»
➤ Եթե հիվանդը չի ուզում ապրել, բժշկությունը անզոր է
➤ Սատանայի հետ գործարքի գնալը հեշտ է
➤ Սատանա՞ն է փնտրում մարդուն, թե՞ մարդը՝ սատանային
➤ Ցանկացած զանգվածային շարժում կարող է հաջողել առանց Աստծո, բայց երբեք՝ առանց սատանայի
➤ Գտնել իրական սատանայի կերպար
➤ Կույլ հավատ. սատանան աշխատում է զոմբիներով
➤ Հատակում. ճգնաժամն է շարժիչ ուժը
➤ Բացարձակ չար և բացարձակ բարի գոյություն չունի
➤ Հետնիկոլյան ժամանակաշրջան
➤ Ինքնության կորուստ
➤ Ամփոփում

Հաղորդաշարին հետևեք ամեն երկուշաբթի և հինգշաբթի։

Ուղիղ խոսք 117. Միջանցքն էլ հանձնեցին

armenlur — Thu, 04 Jun 2026 11:30:30 GMT

💥1991TV յութուբյան ալիքում ներկայացնում ենք քաղաքական մեկնաբան Արմեն Բաղդասարյանի «Ուղիղ Խոսք» հեղինակային հաղորդաշարի հերթական՝ 117-րդ թողարկումը։

«Ուղիղ Խոսք» 116. Ովքե՞ր կարտահանեն Արևմտյան Ադրբեջանի ծիրանը

armenlur — Wed, 03 Jun 2026 13:00:15 GMT

💥1991TV յութուբյան ալիքում ներկայացնում ենք քաղաքական մեկնաբան Արմեն Բաղդասարյանի «Ուղիղ Խոսք» հեղինակային հաղորդաշարի հերթական՝ 116-րդ թողարկումը։

«Ուղիղ Խոսք» 115. Փող, վարչական ռեսուրս, քաղաքական միտք․ ընտրությունը ձերն է

armenlur — Tue, 02 Jun 2026 16:00:59 GMT

💥1991TV յութուբյան ալիքում ներկայացնում ենք քաղաքական մեկնաբան Արմեն Բաղդասարյանի «Ուղիղ Խոսք» հեղինակային հաղորդաշարի հերթական՝ 115-րդ թողարկումը։

🔍 ԹԵՄԱՆԵՐ

➤ Նախընտրական պայքարը իր կիզակետում է. իշխանության ներկայացուցիչները հաջողացնում են ինչ որ բաներ դուրս տալ
➤ Ինչու է հասարակությունը շոկի մեջ ընկել. «գիտակցված զոհողությունը» նաև ապագայի մասին է
➤ Երեք բևեռ՝ վարչական ռեսուրս, փող և քաղաքական միտք
➤ Վարչական ռեսուրսով և փողով ոչ բոլոր հարցերը կարող են լուծվել
➤ Երկրորդ «Լրջանալու պահը»
➤ Հիմքեր՝ բռնությունների համար
➤ Տնտեսական պատժամիջոցներ

Վարդագույն տղան

Moder-003 — Tue, 02 Jun 2026 13:00:50 GMT

Լճաշենում քարոզարշավի ժամանակ Նիկոլ Փաշինյանը՝ անդրադառնալով արտահանման հետ կապված խնդիրներին, ասել է. «Բիբար է փչանում, էդ բիբարի փողը կտամ ես, վարդն է փչանում, փողը ես կտամ, բայց բիբարի արտահանումն էլ է աճելու։ Բիբարին ես տեր կկանգնեմ, դուք խաղաղությանը տեր կանգնեք»։

«ՉԻ». Հարուստ տղա է երևում: Ապեր, իսկ կարո՞ղ է Արցախի փողն էլ տաս: Իր կողքի շրջաններով: Աղդամի նուռն էլ է փչացել, դրա փողն էլ ճարի, էլի:

Իսկ կլինի՞, որ մենք համ բիբարին տեր կանգնենք, համ էլ խաղաղությանը, քո մոտ խաղաղության պահը հեչ չի ստացվում, ինչքան տեր ես կանգնել, էնքան փչացել, խոտանվել է:

Դու մտածի, որ հետո ծիրանի թեման բացենք:

«Գրական դավադրություններ» 23. Սրտխառնոց

armenlur — Mon, 01 Jun 2026 15:00:52 GMT

💥1991TV յութուբյան ալիքում դիտեք հրապարակախոս Լևոն Զարգարյանի և գրող Առաքել Սեմիրջյանի «Գրական դավադրություն» պոդքաստի 23-րդ թողարկումը։

🔍 ԹԵՄԱՆԵՐ

➤ Ժան Պոլ Սարտր. «Սրտխառնոց», Սեմյուել Հանթինգթոն. «Քաղաքակրթությունների բախումը»
➤ Սրտխառնոց՝ մշակութային կոնֆլիկտ
➤ Ընտրության կարևորությունը
➤ Մենք մեզ ճանաչում ենք մեր թշնամիների միջոցով
➤ Թշնամանքը վերացնելու համար երկկողմ ցանկություն է պետք
➤ Մարդիկ և պետությունները գոյություն ունեն առանց պատճառի. դու ես արժևորում քո գոյությունը
➤ Մշակությը ստորադասվում է աշխարհաքաղաքականությանը
➤ Արժեքները ունիվերսալ չեն կարող լինել
➤ Քաղաքակրթական պայքար
➤ Մենք ձևավորենք մեր ընտրությունը

Հաղորդաշարին հետևեք ամեն երկուշաբթի և հինգշաբթի։

«Կուշտ փորի» քարոզչությունը վտանգված է

Moder-003 — Mon, 01 Jun 2026 10:30:45 GMT

Մասնագետներն ինֆորմացիայի բաց աղբյուրների հիման վրա հետազոտություններ են անցկացրել և եզրակացրել, որ մեծ հավանականությամբ՝ Նիկոլ Փաշինյանի քարոզչական տեսահոլովակները կեղծ են։ Բանն այն է, որ տարածվող տեսանյութերում նա օրական միջին հաշվով 7-8 կիլոգրամ սննդամթերք է ուտում, ինչը նորմալ մարդու համար գրեթե անհնար է։ Մասնագետները հաշվարկել են նաև, որ եթե անգամ տեսականորեն դա հնարավոր լիներ՝ միջին վիճակագրական արու առանձնյակի կենդանի քաշը դիտարկվող ժամանակահատվածում կգերազանցեր մեկուկես ցենտները։

Ամեն դեպքում՝ քարոզարշավն ուրախ է անցնում։ Եվ այնպես չէ, որ Նիկոլ Փաշինյանն այդ ընթացքում միայն ուտում է։ Ինչ-որ բան ծամելու և դեռ կուլ չտված՝ ագահությունից փայլփլող աչքերով հաջորդ պատառը փնտրելու ընթացքում նա նաև սպառնում է «կզըցնել» և «սատկացնել» մրցակիցներին։ Համաձայնվեք՝ զավեշտի իմաստով սրա հետ կարող են մրցակցել միայն այն տեսանյութերը, որտեղ Քոչարյանը խոստանում է ընտրություններում հաղթելուն պես պայքարել կոռուպցիայի դեմ։

Բայց վերջին օրերին բոլորիս աչքի առաջ նիկոլական քարոզչության կոնցեպտը փլուզվում է։ Ի վերջո՝ ո՞րն էր այդ քարոզչության մեխը։ «Ա՛յ բալամ, ի՞նչ Հայրենիք, ի՞նչ Արցախ, ի՞նչ արժանապատվություն, ի՞նչ պատմություն, ի՞նչ Եկեղեցի, ի՞նչ Արարատ, կարևորը կուշտ փորով հաց ուտելն ա»։ Եվ առավոտից երեկո հենց դա էլ ցուցադրում էր՝ տեսախցիկների առջև հարձակվելով ուտելիքի վրա։ Ընդ որում՝ այդ «քարոզչությունը» լավ էլ աշխատում էր, որովհետև շատերը մտածում էին՝ «հա դե ճիշտ ա ասըմ, մարդուս փո՛րը կուշտ ըլնի, մի անգամ ենք աբրըմ», և պատրաստ էին դրա համար ձայն տալ իրենց «անկոտրելի հզոր վարչապետին»։ Բայց հանկարծ պարզվեց, որ վտանգված է նաև «կուշտ փորով հաց ուտելը», որովհետև Ռուսաստանը սկսել է պատժամիջոցներ կիրառել ու սպառնում է դրանք տարածել նաև բոլոր առանցքային ոլորտների վրա՝ գազ, նավթամթերք, ֆինանսական փոխանցումներ, աշխատանքային միգրացիա, և այլն։ Ու «կուշտ փորի» քարոզչությունը միանգամից «փոզմիշ էղավ»։ Մարդիկ հասկացան, որ սեփական արժեհամակարգից հրաժարվելն ինքնին չի երաշխավորում կուշտ փորով հաց ուտել, հակառակը՝ ուղիղ գծով տանում է դեպի կտրուկ աղքատացում։ Այսինքն՝ իրենք, պայմանական ասած, Արարատի փոխարեն Արագածով են հիանալու ոչ թե ճոխ սեղանների առջև նստած, այլ սոված զկռտալով։ Ընդ որում՝ դա Նիկոլ Փաշինյանին ու նրա ՔՊ-ական ուսապարկերին չի վերաբերելու։ Նրանց ի՞նչ է եղել, ոչ գիշեր-ցերեկ հող են մշակում՝ ապրանքը Ռուսաստան արտահանելու համար, ոչ այնտեղից ուղարկված գումարների հույսին են, ոչ էլ կոմունալ վճարներից են նեղվում (միայն կառավարական առանձնատների սպասարկման գումարը կազմում է օրական մեկ միլիոն դրամ)։

Ի դեպ՝ թող որևէ մեկը պատրանքներ չունենա, թե այս սցենարի իրականացման դեպքում հարյուր հազարավոր սոված մարդիկ փողոց դուրս կգան ու կտապալեն սրանց։ Նիկոլ Փաշինյանի արձագանքը կարելի է կանխատեսել մեծ ճշգրտությամբ․ «ստահակնե՛ր, տականքնե՛ր, դուք մի քանի լրտեսների հրահրմամբ մեր ինքնիշխանության դե՛մ եք ոտքի ելել, սաղիդ կսատկացնեմ, բանտերում կփտեք․․․»։ Եվ Արևմուտքը, իհարկե, կգովի մեր տոկուն, վճռական ու ժողովրդավար իշխանություններին։

Իսկ ահա ներգաղթյալներ չի ընդունի։ Մինչև հիմա դեռ ուկրաինացիների ձեռքն են կրակն ընկած։

Մարկ Նշանյան

Հեշտ ու համեղ. Պանրով ձվածեղ՝ լավաշի մեջ

Moder-003 — Sun, 31 May 2026 11:00:04 GMT

Պատրաստեք ձվածեղի այս համեղ տարբերակը:

Բաղադրիչները

2 շրջանաձև կտրած լավաշ
5 ձու
աղ և աղացած սև պղպեղ՝ ըստ ճաշակի
մի քանի ճյուղ սամիթ կամ մաղադանոս
200 գ պինդ պանիր

Պատրաստման եղանակը

Լավաշներից մեկը տեղադրեք թավայի մեջ: Եթե չտեղավորվի, ծայրերից կտրատեք: Հարած ձվերը լցրեք լավաշի վրա, աղ ու պղպեղ արեք, ավելացրեք մանր կտրտած կանաչին և մանր քերած պանրի կեսը:
Ծածկեք երկրորդ լավաշով ու մի փոքր սեղմեք: Թավան տեղադրեք միջին ուժգնության կրակի վրա և փակ կափարիչով մոտ 5 րոպե պատրաստեք:
Թեքեք ձվածեղն ու վրան լցրեք քերած պանրի մյուս կեսը: Կափարիչով ծածկեք և ևս 3-5 րոպե տապակեք: