Վարչապետ Նիկոլ Փաշինյանը Վանաձորի քաղաքապետ է նշանակել Արկադի Փելեշյանին:
«ՉԻ». Հա, լավ, ի՞նչ մի շուխուր եք գցել, թե հայ-հարայ, նայեք՝ ում են նշանակել Վանաձորի քաղաքապետ: Ական է, էլի: Չէ, սխալ հասկացաք, ոչ թե իշխանության ականն է, այլ մականունը Ակա է:
Դե, հիմա ի՞նչ անենք, որ մարդը ժամանակին դատապարտվել է խուլիգանության համար: Խմած է եղել, չի ջոկել, պահի տակ վիճել է խանութի աշխատողների հետ, քֆրտելով ջարդել խանութում եղած ապրանքները։ Ո՞ւմ հետ չի պատահում:
Իսկ որ ժամանակին Վանաձորի ընտրություններից երկու օր անց ծեծել էր տեղի Ավետարանական հավատքի քրիստոնեական եկեղեցու հոգևոր առաջնորդ Ռաֆայել Գրիգորյանին, ուրեմն՝ հայրենասեր, իսկական քրիստոնյա մարդ է: Կոնֆեսիոն հարցերից գլուխ է հանում:
Թեթև տարեք. պատահում է: Վանաձորը ամուր բռունցքներում է: