President.am կայքը հայտարարում է աշխատանքի մրցույթ՝ նախագահի թափուր հաստիքի համար:
Նշված թափուր պաշտոնը զբաղեցնելու համար պետք է ներկայացնել`
տեղեկանք ԺԵԿ-ից՝ վերջին 10 տարին Հայաստանում կամ Սփյուռքում մշտապես բնակվելու մասին,
երկու երաշխավորագիր. երկրի նախկին երեք ղեկավարներից մեկից և օտարերկրյա որևէ լուրջ կազմակերպությունից,
շարադրություն. «Ինչո՞ւ եմ ցանկանում այդ աշխատանքը, որո՞նք են իմ առավելությունները»,
քաղվածք՝ վերջին 4 տարում ֆեյսբուքյան գրառումների և լայքերի վերաբերյալ,
անձը հաստատող ազգականներ,
համակարգչային գիտելիքներ` MS Office, Photoshop, Soliter, Outlook,
ժամանակակից այլ տեխնիկական միջոցներով աշխատելու հմտություններ՝ պրինտեր, սքաներ, քսերոքս,
առնվազն մեկ օտար լեզվի տիրապետում (կարդալ և բացատրվել),
2 լուսանկար՝ ակնոցով և առանց ակնոցի:
Նախագահն իր լիազորությունների շրջանակներում իրականացնում է հետևյալ գործառույթները՝
ստորագրում է իրեն դայաղ տված փաստաթղթերն ու օրինագծերը,
խորհրդարանից եկող նամակներ է ստանում և Gmail-ով վերահասցեագրում Սահմանադրական դատարանին՝ սեղմելով Enter կոճակը,
շաբաթվա ընթացքում առնվազն 2 անգամ հիշեցնում է, թե որտեղ է գտնվում՝ դրանք հաստատելով համապատասխան լուսանկարներով,
ընդունում և ճամփու է դնում մարդկանց,
հերքում է իր մասին մամուլի հրապարակումները,
մասնակցում է սեմինարների. դրսում՝ ամիսը 6 անգամ, ներսում՝ 1 անգամ,
ներկայացնում է ամսվա կտրվածքով կայքի անալիտիկ տվյալները՝ Google Analytics - ընդհանուր դիտումների քանակը, սեռի և տարիքի մասին վիճակագրությունը,
անհրաժեշտության դեպքում իր զորակցությունն է հայտնում իշխանություններին, պետականությանը, հայրենիքին կամ հայությանը:
Ցանկացողները կարող են դիմել՝ ուղարկելով տվյալներ պարունակող էլեկտրոնային փաստաթուղթ (CV) englishqueen@president.am էլ. հասցեին:
Դիմումների ընդունման վերջին ժամկետն է` 31.01.2022թ.: