Պատրաստեք այս համեղ ուտեստը:
Բաղադրիչները
4 բաժնի համար
- 1 հատ հավ
- 2 հատ խնձոր
- 2 հատ կիտրոն
- 100 գ կարագ
- 4 պճեղ սխտոր
- 2 ճյուղ հազրեվարդ
- ձիթապտղի ձեթ
- աղ
- աղացած սև պղպեղ
Պատրաստման եղանակը
- Խնձորները քառատեք, միջուկը հեռացրեք, շարեք փայլաթիթեղով ծածկված տապակի մեջ: Կիտրոնները քառատեք, շարեք խնձորների կողքին: Կիտրոնների և խնձորների վրա ձիթապտղի ձեթ ցողեք, աղ ու պղպեղ արեք:
- Սառը կարագը բարակ շերտերով կտրատեք, շարեք փայլաթիթեղի վրա, վրան աղ ու պղպեղ արեք: 10 րոպեով տեղադրեք սառցախցիկում:
- Հավը չորացրեք, կրծքի ու տոտիկների մաշկը հեռացրեք, հավի ներսում տեղադրեք սառցախցիկից հանած կարագի շերտերը: Հավի վրա աղ ու պղպեղ արեք:
- Հազրեվարդն ու սխտորի պճեղները մտցրեք հավի փորիկի մեջ, փայտիկներով ամրացրեք: Հավի տոտիկները կապեք:
- Հավը տեղադրեք կտրտած կիտրոնի ու խնձորի վրա՝ կուրծքը դեպի ներքև: Մոտ 40 րոպեով տեղադրեք 180 աստիճան ցելսիուս տաքության ջեռոցում: Ապա թեքեք և ևս 20-30 րոպե պատրաստեք:
- Հավը հանեք ջեռոցից, փայտիկները հեռացրեք ու միանգամից մատուցեք: