Պատրաստեք այս համեղ ուտեստը:
Բաղադրիչները
3 բաժնի համար
- 700 գ իշխանի ֆիլե
- 2 ճ.գ. ձիթապտղի ձեթ
- 1/2 թ.գ. աղ
- 1/4 թ.գ. աղացած սև պղպեղ
- 2 պճեղ սխտոր
- 50 գ. չորացրած լոլիկներ (вяленые помидоры)
- 1 թ.գ. մաղադանոսի, ուրցի, ռեհանի, խնկածաղիկի (հավասարաչափ) խառնուրդ
- կես կիտրոն
Պատրաստման եղանակը
- Իշխանի ֆիլեն 4 հավասար մասի բաժանեք, անհրաժեշտության դեպքում կաշին հեռացրեք:
- Մանրացրեք սխտորն ու չորացրած լոլիկը:
- Մանր քերիչով քերեք կիտրոնի կեղևը, հյութը քամեք:
- Պնակի մեջ խառնեք ձիթապտղի ձեթը, կիտրոնի կեղևը, սխտորը, լոլիկը, կիտրոնի հյութն ու խոտաբույսերի խառնուրդը:
- Ջեռոցը տաքացրեք 220 աստիճան ցելսիուս: Տապակը պատեք կարագով կամ վրան տապակելու համար նախատեսված թուղթ փռեք:
- Իշխանի ֆիլեն շարեք տապակի մեջ, հավասարաչափ աղ ու պղպեղ արեք:
- Ձիթապտղի ձեթի ու խոտաբույսերի խառնուրդը քսեք ձկան կտորներին:
- Պատրաստեք 6-8 րոպե: Ցանկության դեպքում պատրաստ լինելուց 2 րոպե առաջ գրիլի ռեժիմ միացրեք ոսկեգույն կեղև ստանալու համար:
- Մատուցեք թարմ ուրցի կամ կտրտած մաղադանոսի հետ: