Պատրաստեք այս համեղ ուտեստը:
Բաղադրիչները
- 2 ոչ մեծ դդմիկ
- 150 գ պինդ պանիր
- 2 պճեղ սխտոր
- 2-3 ճյուղ սամիթ
- 2 ճ.գ. մայոնեզ կամ թթվասեր
- աղ
Պատրաստման եղանակը
- Ջեռոցը միացրեք (200 աստիճան ցելսիուս): Տապակի վրա կալկա փռեք:
- Դդմիկները մոտ 1 սմ հաստությամբ օղակաձև կտրատեք, աղ արեք ու շարեք կալկայի վրա: Պանիրը մանր քերիչով քերեք, սխտորը ճզմեք, սամիթը մանրացրեք: Խառնեք պանիրը, սխտորը, սամիթն ու մայոնեզը:
- Ստացված պանրային խառնուրդը քսեք դդմիկների մակերեսին: Տապակը 15 րոպեով տեղադրեք ջեռոցում, մինչև դդմիկների մակերեսի ոսկեգույն երանգ ստանալը: