Պատրաստեք այս համեղ ուտեստը:
Բաղադրիչները
4 բաժնի համար
- 500 գ սպանախ
- 250 գ կաթնաշոռ
- 100 գ քերած պինդ պանիր
- 50 գ կարագ
- 1 պճեղ սխտոր
- 1-2 ճ.գ. կիտրոնի հյութ
- աղ, աղացած սև պղպեղ
Խմորի համար
- 300 գ ալյուր
- 3 ձու
- 1 թ.գ. աղ
Լոլիկի սոուսի համար
- 750 գ լոլիկ
- 1 գլուխ սոխ
- 2 պճեղ սխտոր
- 100 մլ կարմիր չոր գինի
- 2 ճ.գ. ձիթապտղի ձեթ
- աղ, աղացած սև պղպեղ
Պատրաստման եղանակը
- Ալյուրը սարի նման լցրեք աշխատանքային մակերեսին, կենտրոնում անցք արեք, անցքի մեջ ջարդեք ձվերն ու լցրեք աղը: Ձվերը պատառաքաղով մի փոքր հարեք ու սկսեք խառնել ալյուրի հետ: Խմոր հունցեք, գունդ արեք, ծածկեք, թողեք 20 րոպե մնա:
- Պատրաստեք սոուսը: Սոխն ու սխտորը մաքրեք, սոխը մանր խորանարդների ձևով կտրատեք, սխտորը մանր կտրատեք: Լոլիկի կեղևը մաքրեք, խորանարդաձև կտրատեք:
- Սոխն ու սխտորը ձիթապտղի ձեթի մեջ տապակեք մինչև փափկելը: Ավելացրեք կտրտած լոլիկը, ևս 10 րոպե տապակեք: Լցրեք գինին, աղ ու պղպեղ արեք:
- Սպանախը մաքրեք, բլենդերով մանրացրեք: Մաքրեք սխտորը, մանր կտրատեք ու խառնեք սպանախի հետ: Ավելացրեք կաթնաշոռը, կիտրոնի հյութն ու պանրի կեսը: Աղ ու պղպեղ արեք, խառնեք:
- Խմորը բարակ գրտնակեք: 25×35 սմ չափով ուղղանկյունների բաժանեք: Սպանախի խառնուրդը լցրեք խմորի վրա, ռուլետի ձևով փաթաթեք: Ռուլետները 5 սմ լայնությամբ ռոլերի ձևով կտրատեք:
- Տապակի մեջ լցրեք պատրաստած լոլիկի սոուսը, ռոլերը կտրած մասը վերև տեղադրեք տապակի մեջ: Ռոլերի վրա փոքր կտոր կարագ դրեք ու լցրեք մնացած քերած պանիրը: Տապակը 10-15 րոպեով տեղադրեք նախապես 150 աստիճան տաքացրած ջեռոցում: