Պատրաստեք այս համեղ աղցանը:
Բաղադրիչները
4 բաժնի համար
- 3 կարմիր քաղցր պղպեղ
- 3 ճ.գ. ձիթապտղի ձեթ
- 3 ճ.գ. բալզամային քացախ
- 3 խոշոր քաղցր լոլիկ
- 2 խոշոր գունդ մոցարելա պանիր
- 100 գ ռուկոլա
- 100 գ քերած պարմեզան
- աղ ու պղպեղ
- բուսական յուղ՝ տապակելու համար
Պատրաստման եղանակը
- Քաղցր պղպեղը մաքրեք, չորս մասի բաժանեք: Քառատած պղպեղը տեղադրեք խորը պնակի մեջ, վրան լցրեք ձիթապտղի ձեթի ու բալզամային քացախի խառնուրդը: Խառնեք, 20 րոպե թողեք:
- Պղպեղը հանեք պնակից, շարեք լավ տաքացրած ու բուսական յուղով պատած թավայի մեջ, տապակեք մինչև փափկելը՝ մոտ 10-15 րոպե: Տապակած պղպեղները նորից տեղադրեք ձեթի ու քացախի խառնուրդով պնակի մեջ: Խառնեք:
- Լոլիկներն ու մոցարելան միջին չափի կտորներով կտրատեք:
- Աղցանամանում խառնեք լոլիկները, մոցարելան ու տապակած պղպեղը: Ավելացրեք ռուկոլան, վրան լցրեք քերած պարմեզանը: Աղցանը ցողեք ձիթապտղի ձեթով ու մատուցեք: