Խոյ
Ստիպված եք լինելու մեծ ուշադրություն հատկացնել տնային գործերին ու կենցաղային խնդիրներին: 23-25-ին ակտիվության նվազումը, ինքնավստահ չլինելը, հոգնածությունը կանդրադառնան ընտանիքում զբաղեցրած դիրքի վրա, կամ էլ ծանր տնային պարտականությունները կխանգարեն անձնական ծրագրերին, կորուստների կհանգեցնեն:
26-29-ին ակտիվ կլինեք տնային գործերը կարգի բերելու հարցում: Հարմարավետություն կստեղծեք: Կաշխատեք՝ ի բարօրություն ընտանիքի: Կհետաքրքրվեք ձեր առողջությամբ, կամրապնդեք այն:
Ցուլ
Ակտիվ շփումների և հետաքրքրասիրության շրջան է: Ուղևորություններ կամ ուղևորությունների հետ կապված գործեր շատ կլինեն: 23-25-ին դժվարություններ ու խնդիրներ կառաջանան ուղևորությունների հետ կապված կապերում, գործերում, հարազատների հետ գործերում:
26-29-ին հաճելի հանդիպումներ, լավ նորություններ, շահեկան ուղևորություններ են սպասվում: Ճանապարհին հնարավոր են ռոմանտիկ ծանոթություններ: Հեշտությամբ կհամոզեք ուրիշներին:
Երկվորյակ
Բուռն ֆինանսական գործունեություն, գործնական կլինեք և ամեն ինչում շահ կփնտրեք: 23-25-ին ընկերների, կազմակերպությունների հետ կապված դժվարությունների պատճառով ֆինանսական գործերը կարգելակվեն: Կմեծանա գումար խնայելու անհրաժեշտությունը:
26-29-ին ակտիվորեն ու հաջողությամբ կվարեք ֆինանսական գործերը, բիզնեսը: Ընտանեկան բյուջեի բարելավվում: Տան համար հաջող գնումներ կանեք:
Խեցգետին
Շարունակվում է Խեցգետնի ամիսը: Իրադարձություններով հարուստ շրջան է: Կմասնակցեք կարևոր գործերի: Անձնական ծրագրերի իրագործում: 23-25-ին՝ փառասիրական ծրագրերի արգելակում: Հոգնեցնող մասնագիտական պարտականությունները կխանգարեն անձնական հետաքրքրություններին: Հոգնածություն, ցածր աշխատունակություն: Դժվարություններ կունենաք պետհիմնարկների և ղեկավարության հետ:
26-29-ին՝ շահեկան կապերի, պիտանի տեղեկատվության ակտիվ փնտրտուք: Հաջող ուղևորություններ: Համատեղ գործեր հարազատների հետ:
Առյուծ
Զանազան պատահականություններից մեծ կախվածություն: Տեղի ունեցող ամեն բան բացատրելի չի լինի: 23-25-ին՝ սառը վերաբերմունք ու անհասկացողություն ղեկավարության, պաշտոնյաների կողմից: Անհասկանալի իրավիճակներ և արտերկրի հետ կապված գործերի արգելակում: Հնարավոր է ստիպված լինեք զոհել սկզբունքները կոնկրետ նպատակի հասնելու համար:
26-29-ին՝ ակտիվություն ու հաջողություններ ֆինանսական գործերում, առևտրի մեջ: Շահի հանդեպ լավ հոտառություն:
Կույս
Նորի, հեռանկարայինի հանդեպ մեծ հետաքրքրության շրջան է: Կմասնակցեք կոլեկտիվ միջոցառումների: 23-25-ը նոր գործերի հետ կապված դժվարությունների շրջան է: Պայմանների ազդեցության տակ կընկնեք:
26-29-ին՝ ակտիվ շփումներ, ինքնավստահության աճ: Հաջողություններ հասարակական գործերում: Ձեզ դրսևորելու, առաջատարի դերը ստանձնելու հնարավորություն կհայտնվի:
Կշեռք
Կարևոր որոշումների և ձեռքբերումների շրջան է: Մասնագիտական գործերն առաջ մղելու, հասարակական դիրքը բարելավելու ձգտում: 23-25-ին գործընկերների հետ խնդիրներ կառաջանան, կամ կարևոր մարդկանց հետ հարաբերություններում սառնություն կնկատվի: Անձնական նպատակներին հասնելիս սեփական հեղինակությունն ու իշխանությունն օգտագործելու հակվածությունը դժգոհության ալիք կբարձրացնի:
26-29-ին նվազագույն ջանքերով կարվեն կարևոր գործերը, շատ բան կարծես ինքն իրեն կստացվի: Բարյացակամ վերաբերմունք շրջապատողների կողմից:
Կարիճ
Այս շրջանում կուզենաք ամբողջությամբ ցույց տալ ձեր կարողությունները, իսկ հնարավորության դեպքում նաև ընդլայնել դրանք: 23-25-ին՝ խնդիրներ աշխատանքի մեջ, դժվարություններ գործատուների հետ: Ձեզ պետք եկած արդյունքներին հասնելու համար ծանր աշխատանքի, կարգապահության ու կազմակերպվածության կարիք կլինի:
26-29-ին՝ նոր գաղափարների, գործունեության նոր ոլորտների ակտիվ փնտրտուք: Հնարավոր է աջակցություն կարևոր մարդկանցից կամ ընկերներից: Արտերկրի հետ կապված գործերի հաջող զարգացում:
Աղեղնավոր
Ուշադրություն և ինքնաքննադատություն պահանջող շրջան է: Սովորականից հաճախ պիտի հաշվի նստեք ձեր կամքից անկախ գոյություն ունեցող իրավիճակների հետ: 23-25-ին ինքնավստահ չեք լինի: Սահմանափակումների կարիք կլինի: Ուրիշի ազդեցության տակ կընկնեք: Ձեր նպատակներին հասնելու համար իշխանություն բանեցնելու ցանկություն կունենաք, ինչը բարդ իրավիճակների կհանգեցնի: Բարդ շրջան է ռոմանտիկ հարաբերությունների համար:
26-29-ին՝ ակտիվություն նպատակին հասնելու ճանապարհին, կձգտեք ձեզ համար շահեկան փոփոխությունների հասնել: Հաջողություններ համատեղ գործերում, համատեղ բիզնեսում, հարկերի ու վարկերի հետ կապված գործերում:
Այծեղջյուր
Անձնական ծրագրերը մեծ չափով կախված կլինեն ուրիշների վարքից ու տրամադրությունից: Մեծ կախվածություն կառաջանա գործընկերներից և ամուսիններից: 23-25-ին տնային հոգսերը կամ պարտականությունները կարգելակեն գործերի, հարաբերությունների զարգացումը: Ինքնավստահ չեք լինի, հին վիրավորանքները ջրի երես դուրս կգան:
26-29-ին՝ համագործակցության ընդլայնում, նոր հեռանկարներ կհայտնվեն: Կբարելավվեն արտերկրի կամ արտասահմանցիների հետ կապված գործերը: Ազդեցիկ մարդիկ կաջակցեն:
Ջրհոս
Մտավոր ու ֆիզիկական համառ աշխատանքի շաբաթ է: Մի քանի հարց միաժամանակ լուծելու անհրաժեշտություն կառաջանա: 23-25-ին հնարավոր են դժվարություններ կապերում, բանակցությունների և ուղևորությունների ժամանակ: Չկայացած հանդիպումները, տեղեկատվության պակասը կանդրադառնան աշխատանքի վրա, կարգելակեն գործերը: Ստիպված եք լինելու օգնել հարազատներին նրանց գործերում:
26-29-ին աշխատելիս համառ ու ինքնավստահ կլինեք, գործերում ինչ-որ բան փոխելու ցանկություն կունենաք: Համատեղ գործերում լավ արդյունքներ են սպասվում: Առողջության ամրապնդում:
Ձկներ
Մեծ ուշադրություն կդարձնեք սեփական անձին, նույնը կպահանջեք նաև շրջապատողներից: Առաջատար լինելու ձգտում: 23-25-ին՝ անձնական նախաձեռնությունների արգելակում, սահմանափակումների կամ գումար խնայելու անհրաժեշտություն կլինի: Վատ ժամանակ է հասարակական ու ռոմանտիկ գործերի համար:
26-29-ին ակտիվ շփումներ, հաճելի հանդիպումներ են սպասվում, լավ գործընկերներ կգտնեք: Ռոմանտիկ հարաբերությունների բարելավվում: Կմասնակցեք հետաքրքիր միջոցառումների: