Կիրանցի գյուղապետ Կամո Շահինյանը NEWS.am-ի հետ զրույցում հաստատել է լուրը, որ գյուղի մեջտեղում սյուներ են տեղադրվել, դրանց կողքին էլ կանգնած են սահմանապահները. «Մեռած-չթաղված», այս երկու բառով է բնութագրել գյուղացիների վիճակը:
«ՉԻ». Իմիջիայլոց, հիմա ճանապարհը դեպի Կիրանց փակ է, այնտեղ զորքեր են կանգնած:
Այս իրավիճակը հիշեցնում է 1991 թվականի գարունը: Մեկը մեկին: Այն ժամանակ «Կոլցո» օպերացիայի շրջանակներում խորհրդային զորքերն էին շրջապատել Կիրանցը, ոչ մեկին չէին թողնում ներս մտնել:
Հիմա խորհրդային զորքերի գործառույթներն այս իշխանություններն են իրականացնում: Հեսա անձնագրային ռեժիմ են հաստատելու, գնացող-եկողին ստուգելու են, այնպես, ինչպես դա խորհրդային զինվորներն էին անում:
Այնպես որ, կիրանցիները «մեռած-չթաղված» վիճակում երկրորդ անգամ են հայտնվում: