«Ռեգիոն» հետազոտական կենտրոնի տնօրեն Լաուրա Բաղդասարյանը «Մեդիային վերաբերող օրենսդրության բարեփոխումների անհրաժեշտությունը Հայաստանում» թեմայով քննարկման ժամանակ ասել է. «Մենք մեր հետազոտության ժամանակ մեկ ամիս շարունակ այդպես էլ չենք կարողացել իդենտիֆիկացնել Freenews TV-ի խմբագրի կոնկրետ անունը, իսկ ես ավելի քան 20 տարի մեդիադաշտում եմ աշխատում»:
«ՉԻ». Էէ՜, բա եղա՞վ: 20 տարի մեդիադաշտում աշխատողը պետք է տրամաբանորեն գտներ, թե ով է Freenews TV-ի խմբագիրը:
Հիմա ցույց ենք տալիս տրամաբանության շղթան. եթե լրատվամիջոցի անունն ավարտվում է news բառով, ուրեմն, դրա ետևում կանգնած մարդը ժամանակին news անունով մեկ այլ լրատվամիջոցի ետևում է կանգնել:
Իսկ եթե այդ մարդը սիրում է ետևում կանգնել, ուրեմն՝ սիրում է նաև քայլել: Եթե սիրում է քայլել, ուրեմն՝ հիմա խորհրդարանում է աշխատում: Եթե աշխատում է, ուրեմն՝ հոգնում է: Եթե հոգնում է, ուրեմն՝ անձնական բժիշկն է նրան բուժում: Եթե անձնական բժիշկն է նրան բուժում, ուրեմն՝ Հունաստանում է հանգստանում:
Դալշե. եթե Հունաստանում է հանգստանում, ուրեմն՝ լավ է անում: Եթե լավ է անում, ուրեմն՝ խորհրդարանում թույն պաշտոն ունի: Եթե թույն պաշտոն ունի, ուրեմն՝ ավտո էլ ունի: Եթե ավտո ունի, ուրեմն՝ ճանապարհ է մաշեցնում: Եթե ճանապարհ է մաշեցնում, ուրեմն՝ ախպեր ունի: Եթե ախպեր ունի, ուրեմն՝ ԶԼՄ-ների մասին օրենք է խստացնում: Եթե ԶԼՄ-ների մասին օրենք է խստացնում, ուրեմն՝ մոռանում է գույքի հայտարարագիրը ճիշտ լրացնել: Եթե մոռանում է գույքի հայտարարագիրը ճիշտ լրացնել, ուրեմն՝ զրպարտության համար տուգանքները տասնապատիկ մեծացնում է:
Դե, իսկ եթե զրպարտության համար տուգանքները տասնապատիկ մեծացնում է, դրա համար մենք իր անունը ստիպված չգիտենք: 20 տարի մեդիադաշտում կաշխատենք, բայց չենք չիմանա: