ՆԳ նախարարությունը փոփոխությունների առաջարկներ է ներկայացրել, որոնց ընդունման դեպքում, մասնավորապես, ոստիկանը միանգամից կարող է տուգանել հանրահավաքի կամ բողոքի ցույցի մասնակցին:
«ՉԻ». Էդ քիչ է: Ավելին, մի քիչ հակադեմոկրատական է, կոպիտ ու անտաշ: Պետք է ավելի պրակտիկ քայլեր իրականացնել:
Օրինակ՝ առաջարկում ենք ցույցերի, հանրահավաքների տարածքում կարմիր գծեր քաշել և գումար գանձել ցուցարարներից: Արդյունքում ընդդիմությունը ստիպված կլինի կարճ կապել, խոսել հակիրճ, իսկ եթե երկար մնան, այդ ժամանակ ոստիկանները նրանց կտուգանեն: Բայց ոչ թե նրա համար, որ ավել-պակաս խոսում են, այլ կարմիր գծերից ներս տարածքն օգտագործելու համար:
Լավ առաջարկ է, մտածեք: Դե, բարի ժամանց ենք մաղթում ոստիկաններին: