Բազմաթիվ հեռուստադիտողների խնդրանքով ձեզ ենք ներկայացնում Ռուսաստանի Դաշնության նախագահ Վլադիմիր Պուտինի՝ սոլո-համերգից մի դրվագ, որտեղ նա կատարում է հայկական «Սիրեցի, յարս տարան» երգը:
Երգը թարգմանված է անգլերեն, մի քիչ էլ բառերն են փոխված, մի քիչ՝ երաժշտությունը, բայց մնացածը հայկական է:
Նշենք, որ Պուտինը երգը կատարել է հայ-ռուսական բարեկամական հարաբերությունների ձևավորման հոբելյանական՝ 450-ամյակի առթիվ:
Ենթակա է անխնա տարածման:
Հ.Գ. Անկեղծ ասած, երկար ժամանակ երկընտրանքի առջև էինք. նշե՞լ, որ սա ընդամենը հումոր է, թե՞՝ ոչ: Որոշեցինք, որ պետք է գրել, որ հումոր է, քանի որ վերջին երկու օրը համացանցում շատ լրջորեն տարածում, լայքում, հպարտանում են մի սարքած տեսանյութով, որտեղ Պուտինը իբր կատարում է «Ադանայի ողբը» երգը: Լրիվ լուրջ, բազմաթիվ հավատացողներ կան, մի երկու տեղ նույնիսկ աչքալուսանք տեսանք, թե ահա՝ Պուտինը թուրքերի մերը լացացրել է, հեսա Ղարսի պայմանագիրն էլ կվերանայի ու այս կարգի ցնորամիտ արձագանքներ:
Բայց հետաքրքիր է, եթե մարդիկ մեզ չճանաչեին ու մենք էլ չընդգծեինք, որ սա հումոր է, տեսնես ինչ արագությամբ կտարածվեր մեր նյութը, այն էլ՝ նման վերնագրով: Մեզ թվում է, առաջիկա շաբաթվա հիթը կլիներ: