Տավուշի մարզպետ Հայկ Ղալումյանը Կիրանցի բնակիչների հետ հանդիպման ժամանակ ասել է. «Բաքուն տեսավ՝ դուք ակտիվ եք, լավ շարժման մեջ եք, դրա համար քարտեզը սենց ա գծել»:
«ՉԻ». Հետաքրքիր խասյաթ ունի էդ Ալիևը: Արցախի համար այդքան ակտիվ էինք, 30 տարի լավ շարժման մեջ էինք, բայց վրան չազդեց, իսկ ահա կիրանցիների ակտիվությունից վախեցավ, քարտեզը մեր օգտին գծեց:
Շատ անկանխատեսելի մարդ է: Երևի տարիքն իրենն արել է: Դրա համար պետք է Հայաստանի բոլոր սահմանամերձ հատվածներում շաաաաաատ ակտիվ լինել, անընդհատ շարժվել, գնալ-գալ, որ սահմանազատման գործընթացում լրիվ մեր ուզածով անի:
Ընկճվել չկա, ամեն ինչ գյուղացիների ձեռքում է: Ավելի ակտիվ, ավելի շարժունակ: