ՀՀ-ում ՌԴ դեսպանատան առջև ակցիայի ընթացքում ռազմական փորձագետ Դավիթ Ջամալյանը հայտարարել է. «Այն, ինչ հիմա տեղի է ունենում Նովոռոսիայում, ռուսական պետականության համար ունի գոյաբանական նշանակություն։
Առանց չափազանցության գոյաբանական նշանակություն ունի նաև մեզ համար, որովհետև այն աղետը, որ մեր գլխին բերվեց 44-օրյա պատերազմի տեսքով՝ գծագրվել և իրականացվել է այն նույն ուժային կենտրոնների կողմից, որոնք Ուկրաինան տարիներ շարունակ վերածել են անտիռոսիայի»:
«ՉԻ». Մի տեսակ ռուսները մեր մեղքը եկան: Չէ, լուրջ, էդ ի՞նչ վիճակում են, որ բանակում կյանքում չծառայած ռազմական փորձագետներն են նրանց համար դոշ տալիս:
Էն Ցուկերբերգն ու Յութուբը բռնում՝ Սոլովյով ու Մարգարիտ են բլոկում, թե բա՝ ռուսական պրոպագանդա են տարածում: Այ մարդ, Սոլովյովը կերազեր Դավիթ Ջամալյանի կեսի կեսի չափ հիմնավորել Ռուսաստանի ռազմական գործողությունները Ուկրաինայում:
Բա, դրել՝ Նովոռոսիա-Անտիռոսիա է խաղացնում, ու նենց «պլավնի» բերում, կապում 44-օրյա պատերազմի հետ: Սոլովյովի մտքով կարա՞ր նման բան անցներ: Учись, студент: