...

Հեշտ ու համեղ. Կրոստոյներ՝ սնկով կարկանդակներ

Հեշտ ու համեղ. Կրոստոյներ՝ սնկով կարկանդակներ

Ժամանակին այս տապակած փոքրիկ կարկանդակներն Իտալիայում թխում էին միայն Բարեկենդանի տոնին: Նրանց անվանումը crosta բառից է, ինչը նշանակում է «խրթխրթան կեղև»: Եվ չնայած այս կարկանդակները տապակած են, բայց թեթև են ու բերանի մեջ հալվում են: Կարող եք շատ ուտել՝ առանց ստամոքսում ծանրության զգացում ունենալու: 

Իտալական Տրենտինո Ալտո Ադիջեում ներկայումս կրոստոյները վաճառում են հատուկ խանութներում՝ տարվա ցանկացած եղանակի: Դրանք նույնիսկ յուրատեսակ ֆասթֆուդի են վերածվել:

Բաղադրիչները
6 բաժնի համար

  • 300 գ ալյուր
  • 300 գ թարմ սպիտակ սունկ
  • 70 գ կարագ
  • 1 բաժակ կաթ
  • 1 պճեղ սխտոր
  • մաղադանոսի փոքրիկ փունջ
  • աղ
  • կարագ՝ տապակելու համար

Պատրաստման եղանակը

  1. Փափկացրեք 40 գ կարագը: Ալյուրը լցրեք սեղանին, բլուրի վերածեք, մեջտեղում անցք արեք, մեջը լցրեք փափկացրած կարագը, կաթն ու աղը: Հարթ խմոր հունցեք: Փաթաթեք այն կերակրի թաղանթով ու 1 ժամով տեղադրեք սառնարանում:
  2. Միջուկի համար մաքրեք սունկը, ոչ մեծ կտորներով կտրատեք: Սխտորը դանակի բութ ծայրով ճզմեք, հետո մաքրեք ու կտրատեք: Մաղադանոսը մանր կտրատեք: Միջին ուժգնության կրակի վրա թավայի մեջ հալեցրեք մնացած կարագը, նրա մեջ մոտ 30 վրկ տապակեք սխտորը: Ավելացրեք սունկը, կրակն ուժեղացրեք և ևս 10 րոպե տապակեք:
  3. Աղ արեք ու վրան լցրեք կտրտած մաղադանոսը: Հովացրեք:
  4. Խմորը կիսեք և երկու բարակ շերտ բացեք: Առաջինի վրա մաս-մաս լցրեք միջուկը, ծածկեք խմորի երկրորդ շերտով, մատներով սեղմեք այնտեղ, որտեղ միջուկ չկա: Դանակով առանձնացրեք ուղղանկյունաձև կրոստոյները:
  5. Խորը թավայի մեջ տաքացրեք տապակելու համար նախատեսված կարագը և դրանում տապակեք կրոստոյները մինչև ոսկեգույն երանգ ստանալը՝ մոտ 3-4 րոպե: Պատրաստի կարկանդակները տեղադրեք անձեռոցիկների վրա, որպեսզի ավելորդ յուղը ներծծվի:

Մատուցեք տաք վիճակում:

«Չորրորդ իշխանություն», թիվ 6, 2021

ՆՄԱՆԱՏԻՊ ՆՅՈՒԹԵՐ
Դեպի ՎԵՐ