...

Հեշտ ու համեղ. Թխվածքաբլիթ «Բրուտտի մա բուոնի»

Հեշտ ու համեղ. Թխվածքաբլիթ «Բրուտտի մա բուոնի»

Այս թխվածքաբլիթի անվանումը իտալերենից թարգմանաբար նշանակում է «տգեղ, բայց համեղ»: Այն թխում են տապակի վրա տեղադրելով խմորի տձև գնդիկները:

Թխվածքաբլիթի նմանատիպ բաղադրատոմսեր տարածված են Իտալիայի ողջ հյուսիսում: Բայց մեզ հայտնի է օրիգինալի ծննդյան հստակ տարեթիվը: 1869թ. իտալական փոքրիկ քաղաքներից մեկում՝ Բորգոմաներոյում, բացվել է քաղցրավենիքի առաջին «Օֆելերիե» անունով խանութը: Հենց այստեղ էլ սկսել են թխել խանութի տիրոջ քրոջ հորինած բաղադրատոմսով այս թխվածքաբլիթը:

Թխվածքաբլիթը սկսեք պատրաստել մատուցելուց 4 ժամ առաջ:

Բաղադրիչները

10-12 բաժնի համար

  • 250 գ մաքրած նուշ
  • 50 գ մաքրած պնդուկ
  • 4 ձվի սպիտակուց
  • 1,5 բաժակ շաքարավազ
  • 2 փաթեթ (10-ական գրամ) վանիլային շաքարավազ
  • մի պտղունց դարչին

Պատրաստման եղանակը

  1. Պնդուկն ու նուշը վերածեք ոչ շատ մանր փշուրների:
  2. Ձվի սպիտակուցը հարեք: Աստիճանաբար, մաս-մաս ավելացրեք ընկուզեղենն ու շաքարավազը: Ավելացրեք նաև դարչինն ու վանիլային շաքարավազը:
  3. Խառնուրդը լցրեք կաթսայի մեջ, հետո այն տեղադրեք 1/3 չափով մարմանդ եռացող ջրով լցված ավելի մեծ կաթսայի մեջ: Անընդհատ խառնելով՝ 30 րոպե պատրաստեք:
  4. Պատրաստի խմորը փոքր կույտերի ձևով դասավորեք ջուր ցողած, կալկայով պատած տապակի մեջ: Մոտ 3 ժամով տեղադրեք թույլ տաքության (մոտ 70-90 աստիճան ցելսիուս) ջեռոցում:

Մատուցելուց առաջ թողեք թխվածքաբլիթը լավ հովանա: 

«Չորրորդ իշխանություն», թիվ 21, 2020

ՆՄԱՆԱՏԻՊ ՆՅՈՒԹԵՐ
Դեպի ՎԵՐ