Սահմանադրական փոփոխությունների հանրաքվեի ՈՉ-ի ճամբարի առաջին համար Ռուբեն Մելիքյանը ֆեյսբուքի իր էջի հետնանկարը փոխել է: Ներկայումս այնտեղ փակցված է Չե Գևարայի լուսանկարը՝ «Չէ» մակագրությամբ:
«ՉԻ». Ինչ-որ տեղ կարելի է համաձայնվել Մելիքյանի հետ: Եթե Չե Գևարան ողջ լիներ և տեսներ մեր հեղափոխությունը, ապա միանշանակ կասեր՝ չէ:
Չէ՝ Երևանի բնակիչների իրենց տներից վտարածի քրոջ որդին չի կարող հեղափոխությունից հետո զբաղվել քաղաքականությամբ: Նախկին իշխանությունների օրոք արդարադատության փոխնախարար աշխատածը պետք է պատիժ կրի և ոչ թե մեծ-մեծ խոսի իրավունքից:
Չէ՝ Ռուբեն Մելիքյանի կինը հեղափոխությունից հետո պետք է լինի դատարանում, բայց ոչ երբեք դատավորի կարգավիճակում:
Չէ՝ Սերժ Սագսյանը ոչ թե պետք է Եվրոպաներում շրջագայի, այլ սկզբի համար մի քիչ խմի իր յուրացրած դիզելային վառելիքից:
Չէ՝ Ռոբերտ Քոչարյանը ոչ թե պետք է մտավարժանքներ անի չերյոմուխայից, այլ նրան պետք է մահապատժի ենթարկել հենց չերյոմուխայի միջոցով: Եվ այսպիսի բազում «չէ»-եր կարտաբերեր Չե Գևարան:
Այնպես որ՝ Մելիքյանը ճիշտ կանի հանգիստ նստի տեղն ու չկանչի Չե Գևարայի հոգին: