Միայն թե «Վեոլիա ջուրը» չասի, թե սաղ աշխատողներն ու տեխնիկան ուղարկել են Արզնի, որ վթարված ջրագիծը վերականգնեն, դրա համար մարդ չկա, որ զբաղվի, օրինակ, այս հարցով:
«Ռիո մոլի» մոտ՝ Սարալանջի ճամփին, կոյուղին վթարվել է, ինչ է եղել, չգիտենք, բայց կեղտաջրերը հեղեղել են տարածքը: Արդեն քանի օր է ու արդեն որերորդ անգամ: Մայթերով քայլել չի լինում, նկարներում ինքներդ եք տեսնում, նաև վտանգավոր է, որովհետև ճանապարհով անցնող մեքենաները կարող են կեղտաջրերը մարդկանց վրա թափել:
Ու սա «Վեոլիա ջրի» հեչ դեղձին չի: Զանգում ես, դե, պարզ է, չէ՞. «բոլոր օպերատորները զբաղված են, խնդրում ենք զանգահարել մի երկու ամիս ուշ»:
Միակ բանը, որ այս տարիների ընթացքում «Վեոլիան» հաստատ սովորել է, փող հավաքելն է: Իսկ ահա կեղտաջրեր հավաքելն առայժմ չի ստացվում, կամ չեն ուզում:
