Երևանում իրականացվող հակաիշխանական ցույցերին միացել է նաև Ոստիկանության զորքերի նախկին հրամանատար, գեներալ-լեյտենանտ Լևոն Երանոսյանը։
«Ճիշտ ա, ամեն ինչ օրինական ա»,- բողոքի ակցիայի շրջանակներում ճանապարհներ փակելու մասին ասել է նա:
«ՉԻ». Չէ, նորմալ է: Նիկոլ Փաշինյանի աննախադեպ ձեռքբերումներից մեկն էլ դա էր, որ այսօր փողոցում հայտնվել են նրանք, ովքեր ժամանակին ջարդում էին նրանց, ովքեր փողոցում էին հայտնվում:
Փողոց են փակում նրանք, ովքեր ժամանակին ազատազրկման էին դատապարտում նրանց, ովքեր ոչ թե նույնիսկ փողոց էին փակում, այլ ընդամենը խաղաղ իրազեկում:
Այսինքն՝ նրանք, ովքեր հեղափոխությունից հետո պետք է պատմության արխիվներում հայտնվեին, Փաշինյանի «իմաստուն» գործունեության արդյունքում հիմա հենց իրեն են պատրաստվում պատմության արխիվ նետել: Դե թող ասեն, որ սա անարդար է: