ԱԺ նախագահ Ալեն Սիմոնյանը թելեգրամյան իր ալիքում գրել է․ «Ընդդիմությունը չի մասնակցում ԱԺ նիստերի մեծ մասին, ընդհանրապես չի մասնակցում ԱԺ խորհրդի նիստերին, ընդդիմությունը չի մասնակցում օրենքների քննարկման գրեթե 90% տոկոսին, ընդդիմությունը պարբերաբար չի մասնակցում կառավարության հետ հարց ու պատասխանին, ընդդիմությունը թեկնածուներ չի առաջադրում ԱԺ մշտական հանձնաժողովների ղեկավարների և ԱԺ նախագահի տեղակալի պաշտոններում, գրեթե չի զբաղվում այդ հանձնաժողովների գործառույթներով, բայց ընդդիմությունը գալիս է, գրանցվում է և գալիս մասնակցում է օրենքների քվեարկություններին՝ դեմ կամ ձեռնպահ:
Պատասխանը պարզ է՝ ԱԺ մեկ նիստից բացակայության դեպքում աշխատավարձից պահվում է շուրջ - 24.000 դրամ»:
«ՉԻ». Իսկ հիմա եկեք տեսնենք, թե ինչով է զբաղվում իշխանական խմբակցությունը:
Գալիս է, գրանցվում է, մասնակցում է նիստերին, օրենքների քվեարկություններին՝ միշտ կողմ:
Կապ չունի՝ ինչ են խոսում, բլթացնում, ընդամենը գալիս են, որ կոճակ սեղմեն: Որովհետև «կողմ» քվեարկելու դիմաց աշխատավարձ են ստանում, պարգևավճար, բայց դրանից պետությունը չի շահում, մենակ իրենք:
Այնպես որ, ընդդիմադիր պատգամավորների բացակայության և իշխանական պատգամավորության ներկայության արդյունքը նույնն է. զրո: