«Նիկոլ Փաշինյանն ընդհանրապես վարկանիշ չունի, ամենամեծ վարկանիշն ունի Ռոբերտ Քոչարյանը»:
Հայտարարության հեղինակը Գևորգ Պետրոսյանն է:
«ՉԻ». Հանգուցյալ Ահարոն Ադիբեկյանը հաստատ շրջվեց գերեզմանում. անգամ ինքն այս աստիճան չէր խեղաթյուրում պատկերը:
Ընդհանրապես Գևորգ Պետրոսյանը և Ալեն Սիմոնյանը պետք է ճանաչվեն քույր քաղաքական գործիչներ: Առաջինն էլ ասում է, որ Նիկոլի վարկանիշը ավելի բարձր է, քան երբևէ, իսկ Քոչարյանինը զրոյական է: Գևորգի մտքի փայլատակումը արդեն նշեցինք:
Այս երկուսին ընդհանրապես պետք է խորհուրդ տալ, որ դադարեն սոցիոլոգիական հարցումներ անցկացնել սեփական քարտուղարուհիների շրջանում: Իսկ եթե այնուամենայնիվ չեն դիմանում գայթակղությանը և անցկացնում են, գոնե չհրապարակեն: Պարտադիր չէ հանուն շեֆերի՝ անմեղսունակության տակ ստորագրել:
Հ.Գ. Երևի ըստ Գևորգյանի՝ Ծառուկյանը կորցրեց առաջին հորիզոնականը, որովհետև ինքը հերթական՝ երրորդ անգամ լքեց «Բարգավաճի» թիմը: Դե այդպիսի կորստից հետո ո՞վ պետք է ձայն տա «Բարգավաճ Հայաստանին» ու Ծառուկյանին: