ԱԺ նախկին պատգամավոր Արթուր Ղազինյանը գրել է. «Հայաստանում այսօր առկա է չիրացված ահռելի պրոտեստ ներուժ: Ընդդիմությունը պետք է ենթարկվի արմատական բարեփոխման, ինչպես կառուցվածքի, այնպես էլ առաջարկի ու առաջնորդների մասով:
Պետք է ճիշտ թիմ, ընդունելի ու հասկանալի առաջարկ, խարիզմատիկ, վճռական առաջնորդ, գրագետ ու լավ հաշվարկված գործողություններ, ու ինքներս կապշենք փողոցում մարդկանց թվից»:
«ՉԻ». Մարդը ճիշտ բաներ է ասում: Ասում է՝ ընդդիմությունը պետք է արմատական բարեփոխման ենթարկվի, այսինքն՝ Ռոբերտ Քոչարյանից յան տալ, դաշնակների հետ հույս չկապել:
Երևի քչերը գիտեն, որ նոյեմբերի 5-ին ընդդիմությունը միտինգ էր հրավիրել: Եկան, խոսեցին, գնացին: Նրանց շարքերն ավելի նոսրացան, իսկ նրանցից հիասթափվածների շարքերն ավելացան: Որովհետև այդ ընդդիմությունը ոչ խոսելու բան ունի, ոչ նորմալ առաջնորդ ունի, ուր մնաց՝ խարիզմատիկ, ոչ մի ռացիոնալ առաջարկ չի կարողանում ներկայացնել:
Ու հիմա նրանց երբեմնի համակիրներից շատերը նրանց վրա «կայֆավատ» են լինում: Չեն էլ քննադատում, ծաղրում են: Գիտակցում են, որ նման ընդդիմությունը իսկական մուրազ է իշխանության համար: Քանի սրանք կան, իշխանությունները պրոբլեմ չունեն: