ԱԺ նախկին պատգամավոր Արթուր Ղազինյանը գրել է. «Պատկերացնում ե՞ք Թուրքիայի նոր իշխանությունները նախկինների վրա ինչքան բան ունեն բարդելու. էլ երկրաշարժ, էլ թալանված բյուջե, էլ անորակ շինարարություն, էլ ավիրված ենթակառուցվածքներ:
Մի խոսքով, գիշեր է գալու, թեժ է լինելու...»:
«ՉԻ». Բայց ինչի՞ ենք գնում, հասնում Թուրքիա: Հայաստանում ավելի հետաքրքիր է եղել: Մենք իշխանություններ ենք ունեցել, որոնք 1998-ի հեղաշրջումից հետո նախկիններին մեղադրում էին՝ էլ երկրաշարժ, էլ ատոմակայան, էլ մութ, նույնիսկ ցուրտ եղանակի համար:
Բա որ թալանի մեջ էին մեղադրում, մեկ էլ հողեր հանձնելու մեջ: Էդ մեղադրողները հետո իրենք ամեն մեկը մի միլիարդատեր դարձան: Ու հետո որ իրենք դարձան նախկին, թալանի մեղադրանքները հենց իրենց ներկայացրին:
Ու եթե ներկայիս նախկիններն իրենց նախկիններին թալանի մեջ մեղադրելով գոնե մի հատիկ փաստ չկարողացան բացահայտել կամ ապացուցել, սրանցից հիմա ում քերում ես, տակը թալանի ծննդատուն է բացվում:
Այնպես որ, թուրքերը դեռ շատ հաց ու պանիր պիտի ուտեն, որ նախկինների հարցերով հասնեն մեզ: