«Ասեմ Ձեզ, ժողովրդի ութսուն տոկոսը նորից կանգնելու է Նիկոլ Փաշինյանի կողքին». ՊՆ նախկին փոխնախարար Գագիկ Մելքոնյան:
«ՉԻ». Առաջ նախկին իշխանություններն էին կտրված իրականությունից, հիմա էլ գործող իշխանության աջակիցներն են նույն ախտանիշով տառապում:
Այն, որ պարոն Մելքոնյանը շարունակում է աջակցել գործող իշխանություններին, իր անձնական գործն է: Այն, որ ոմանց նման կոնյեկտուրայի ազդեցության ներքո արագ չի փոխում իր քաղաքական հայացքները, խիստ գովելի է:
Բայց, ախր, որտեղի՞ց 80 տոկոս: Միանգամից ասեք 98 տոկոս: 2 տոկոսը պահեք՝ նշելով հրապարակ դուրս եկած ցուցարարների թիվը:
Հեղափոխությունից հետո, երբ դեռ մեծ ակնկալիքներ կային, չկար մեծ պարտություն, իշխանությունը ստացավ 71 տոկոս ձայն: Ի՞նչ է, պարտությունից հետո ևս 9 տոկոս մարդիկ կոմնորոշվեցին դեպի իշխանությունները՝ գնահատելով նրանց դիվանագիտական ու ռազմական հաջողությունները և ձեռքբերումները:
Գոնե ասեք՝ կհավաքի 50+1, որպեսզի տպավորություն չստեղծեք, որ կտրվել եք իրականությունից: