Այսօր Հայաստանում դիտվել է արևի մասնակի խավարում, որը տևել է մոտավորապես 1,5 ժամ: Ներկայացնում ենք քաղաքական ուժերի և գործիչների արձագանքը այս իրադարձությանը:
Գագիկ Ծառուկյան
Ուրեմն, Ծառուկյան Գագիկը միշտ էլ ասել է, որ Հիսուսի արձանը լուսավորելու է Հայաստանի բոլոր տեղերը, ու ոչ չար ուժերի, ոչ էլ արևի խավարումը դրան չեն կարող համապատասխան խանգարել:
Նիկոլ Փաշինյան
Իհարկե, վերջին 3000 տարում արևը երբեմն խավարել է Հայաստանի վրա, բայց այս մեկն աննախադեպ խավարում էր, իրեն հավասարը չունեցող: Ըստ էության՝ մեր կառավարման օրոք արևի խավարումն աճել է 174,2 տոկոսով:
Վազգեն Մանուկյան
Վերջին 30 տարում սա արևի երկրորդ խավարումն էր: Առաջինը 1996-ի սեպտեմբերին էր, երբ խավարեց իմ արևը:
Հովիկ Աղազարյան
Երբ նայում էի արեգակի մասնակի խավարմանը, միայն մի բան էի մտածում. իսկ արդյոք չի՞ բարկանա վարչապետը, եթե իմանա, որ առանց սև ակնոցների եմ նայում:
Տիգրան Արզաքանցյան
Արևի խափանումը հիմա ես տեսնում եմ, ու մի վայրկան չկասկածեք, ժողովուրդ, պտի ազգովի իրար թիկունք լինենք, թշնամին հելել ա կոսմոս, որ մեզ օր ու արև չտա:
Իշխան Սաղաթելյան
Հոկտեմբերի 31-ին բոլորս դեպի Ֆրանսիայի հրապարակ. մենք խավարելու արև չունենք: Ժամը 19:00-ին:
Ավետիք Իշխանյան
Հերթական անգամ Հայաստանը փորձում են մթի ու ցրտի տարիների մեջ գցել ու լևոնականությունը վերադարձնել:
Գագիկ Մելքոնյան
Էս արևի խավարումը մենակ Հայաստանում ու Ռուսաստանում է ըլել: Եվրոպա տեղ արևը ոնց կա, տենց էլ շողում ա:
Ռոբերտ Քոչարյան
Երբ ես մենակով Աղդամը գրավում էի, երկնքում էնքան սև ծուխ էր, որ ադրբեջանցիք մտածեցին, թե արևն է խավարել: Սրա մասին գրելու եմ իմ ինքնակենսագրականի 19-րդ հատորում:
Արա Պապյան
Մինչև ամսվա վերջ ռուսական կայսրությունը կվերածվի խավարի կայսրության:
Նատալյա Ռոտենբերգ
Парк хероснерин, вор чен вахенум хавариц!
Հավաստի աղբյուր
Ո՞րն է Ռուսաստանի նպատակը. ստեղծել մի իրավիճակ, երբ մենք ավելի շատ էլեկտրաէներգիա կծախսենք ու միջանցքում էլի վառարան կդնենք: Ո՞րն է Ադրբեջանի պահանջը. որ միջանցքը տաքացնենք աթարով: