Մարդու իրավունքների պաշտպան Անահիտ Մանասյանը այցելել է «Երևանի թիվ 1 տուն-ինտերնատ» և ծանոթացել հաստատության շահառուների առօրյային և խնդիրներին: Օրվա վերջում Անահիտ Մանասյանը ինտերնատի բնակիչներին նվիրել է շախմատ և սեղանի այլ խաղեր՝ հույս հայտնելով, որ դրանց շնորհիվ նրանց առօրյան էլ ավելի հետաքրքիր կդառնա:
«ՉԻ». Այսինքն, մինչև հիմա ինտերնատում շախմատ չի՞ եղել: Խանութներում դրանց գները սկսում են 1000 դրամից, մեկի մտքով չի՞ անցել այսքան տարիների ընթացքում ինտերնատի բնակիչներին շախմատ նվիրել: Մանավանդ, որ մենք էլ համարվում ենք շախմատի երկիր և տարածաշրջանի ամենաշախմատունակ ազգը:
Հետաքրքիր է իմանալ ինտերնատի բնակիչների առօրյան մինչև շախմատ և սեղանի այլ խաղեր նվիրելը: Ինչո՞վ են զբաղվել. երևի պատուհանից դուրս են նայել:
Իսկ եթե ՄԻՊ-ը շախմատ է նվիրել, ուրեմն իմացել է, որ այնտեղ շախմատ չկա: Ու սեղանի այլ խաղեր: Պարզե՞լ է, թե ինչու չեն ունեցել: