ԱԺ «Հայաստան» խմբակցության պատգամավոր Արթուր Ղազինյանը գրել է. «ՌԴ զինված ուժերը Ուկրաինայի տարածքում գործում են ծայրահեղ զգույշ՝ քաղաքացիական բնակչության շրջանում զոհեր թույլ չտալու համար, իսկ Ուկրաինայի մահապարտ-ահաբեկչական ռեժիմը՝ անկանոն զինելով քաղաքացիական բնակչությանը, հետապնդում է 1 նպատակ. հնարավորինս մեծացնել խաղաղ բնակչության շրջանում զոհերի թիվը՝ հետագայում այս փաստը Ռուսաստանի դեմ օգտագործելու նպատակով»:
«ՉԻ». Եթե սա գրած լիներ որևէ պայմանական Վլադիմիր Սոլովյով, բան չէինք ասի. քարոզչական պատերազմում Ռուսաստանը հաճախ է Ուկրաինայի դեպքում օգտագործում բանդերյան, ահաբեկչական և այլ արտահայտությունները:
Բայց սա ասել է Հայաստանի Ազգային ժողովի պատգամավորը, այսինքն՝ պետություն ներկայացնող անձնավորությունը: Եվ ասել է մեկ այլ պետության մասին:
Իսկ այսպես է ասում, քանի որ Արթուր Ղազինյանը, ինչպես սրա նման մտածողները, չգիտեն, չեն պատկերացնում, որ պետություն են ներկայացնում: Եթե նույնիսկ ընդդիմություն են: Չնայած՝ ի՞նչ մեղադրես, եթե սրանց շեֆը առավոտից երեկո երազում է Հայաստանի գուբերնատոր դառնալու մասին: Սրանք ավելի շատ են Պուտինի համապատասխան տեղի մասին մտածում, քան Պուտինը:
Թքած ունեն, որ նման որակումների պատճառով Հայաստանը միջազգային հարթակներում կարող է խնդիրներ ունենալ, որ Ուկրաինայում հայություն կա, որը կարող է տուժել, որ Հայաստանը կարող է «իզգոյ» պետություն ճանաչվել: Ի՞նչ պրոբլեմ ունեն. իրենք «յագուար» քաշող տղերք են, իրենք տարիներ շարունակ իրենց ֆինանսական հարցերը լուծել, պրծել են:
Դրա փոխարեն խոսեք նրանից, թե հայ գերիների հարցով ԵԽԽՎ-ում ով ինչպես է քվեարկել:
Մի հատ պատկերացրեք, որ սրանք իշխանության են եկել: