Հեղափոխությունից մեկ ու կես տարի անց, լրատվամիջոցների կողմից մեկ շաբաթ ամեն օր գրելուց հետո ոստիկանությունը որոշել է խուզարկություններ անել ՀՖՖ նախկին ղեկավար, Սերժ Սարգսյանի ամենամտերիմ անձանցից մեկի՝ Ռուբեն Հայրապետյանի տանը:
Սա անգամ դժվար է որակել իրավապահ համակարգի դիմադրություն կամ սաբոտաժ: Սա պարզ ձեռառնոցի է: Եթե ոստիկանությունը չի ուզում վերջնականապես խայտառակվել, ճիշտ կանի աննկատ դիակ գցի Հայրապետյանի գրպանը:
Չենք զարմանա, եթե պարզվի, որ Հայրապետյանի առանձնատան պարիսպներին մեծ պաստառ փակցված լինի հետևյալ մակագրությամբ՝ «Բարի գալուստ, մենք ամեն ինչ վաղուց թաքցրել ենք»: