Նիկոլ Փաշինյան. Կենդանակերպի նշանը՝ Բադատուտուց
Այս շաբաթը կփակվի ազգակործան պատուհաններով:
Երկուշաբթի օրը կհայտարարեք, որ Արցախը Հայաստան է ու վերջ, իսկ Ղարաբաղը՝ Ադրբեջան ու պրծ:
Երեքշաբթի օրը կընդգծեք, որ ընդդիմությունը ուտող-ուրացող է. միայն վերջին մեկ տարում Հայաստանի Հանրապետությունը նրանց 12 ամսվա աշխատավարձ է վճարել:
Չորեքշաբթի օրը կառաջարկեք Արցախի հետ կապը պահպանել աղունիկների միջոցով, քանի որ բջջային կապը մենակ ռոումինգով է լինելու:
Հինգշաբթի օրը խորհրդարանում կգաղտնազերծեք Ռոբերտ Քոչարյանի և Սերժ Սարգսյանի դպրոցական ատեստատների ավարտական իրական գնահատականները՝ պնդելով, որ Արցախի հանձնումը այդտեղից է սկսվել:
Ուրբաթ օրը՝ հաշվի առնելով ներքաղաքական լարված իրավիճակը, կտեղեկացնեք, որ 2050 թվականին Հայաստանի հավաքականի՝ ֆուտբոլի աշխարհին չեմպիոն դառնալու խոստումը տեղափոխվում է 2100 թվական:
Շաբաթ-կիրակի օրերին կառավարական առանձնատան հակառակ կողմից գրեք ձեր նոր հոդվածը. «Ի՞նչ անել և ո՞վ է մեղավոր»: