«Հայկական ժամանակի» տեղեկություններով՝ ՀՀ վարչապետ Նիկոլ Փաշինյանը ժամանակավոր տեղափոխվել է Բաղրամյան 26-ի նստավայր: Նշվում է, որ Կառավարության շենքում վերանորոգման աշխատանքներ են կատարվում, ինչով էլ պայմանավորված՝ ՀՀ վարչապետը որոշ ժամանակ կաշխատի Բաղրամյան 26-ից:
«ՉԻ». Դե, եթե ՀԺ-ն է գրում, ուրեմն 101 տոկոսանոց ճշմարտություն է: Փաստորեն, Բաղրամյան 26-ը դարձավ նախագահա-վարչապետական նստավայր:
Հետաքրքիր է, թե հիմա ոնց են միասին աշխատելու մի նստավայրում նախագահն ու վարչապետը:
Ասենք, վարչապետը պատվիրակություն է ընդունում, նախագահին ասելու են՝ ապեր, դուռը չբացես, մինչև հանդիպումը չավարտվի:
Եվ ընդհակառակը, նախագահն է ընդունում հյուրեր, մեկ էլ Փաշինյանն է չստերը հագած սենյակով անցնում:
Իսկ ընդհանրապես, այն տեսակետը, թե Վահագն Խաչատուրյանը վարչապետի մոտ նախագահ է աշխատում, իրականություն դարձավ: