Նիկոլ Փաշինյանը խորհրդարանում իր ելույթի ժամանակ ասել է. «Մեր մեծագույն մոլորությունն այն է եղել, թե խորհրդահայ պատմագիտության հենասյուների վրա կարող ենք անկախ պետական գիտակցություն ստեղծել»:
«ՉԻ». Մենք էլ մտածում էինք, թե էլ ինչը կամ ով է մեղավոր այս իրավիճակի համար:
Մեզ թվում էր, թե մեղավորների ռեսուրսն արդեն սպառվել է: Նախկինները մեղավոր էին, որովհետև նախկին էին, բանակն ու գեներալները մեղավոր էին, կռվել չգիտեին, մի հատ էլ 10 հազար դասալիք էին տալիս:
Ղարաբաղի էլիտան մեղավոր էր, դա հենց սկզբից էր պարզ:
Ռուսաստանը, Թուրքիան, Ադրբեջանը, Ասիան ու Եվրոպան ստացել են իրենց մեղադրանքների համապատասխան դոզան:
Մի երկու ամիս մեզ զբաղեցնում էին 5-րդ շարասյունով:
Ասինք՝ ֆսյո, պրծան մեղավորները: Բայց չէ, խորհրդահայ պատմագիտությունն էինք մոռացել: Դրա պատճառով ենք պատերազմում պարտվում ու տարածքներ կորցնում: Ըհը:
Մեղավորների մի հարուստ դաշտ է բացվում: Համարյա անծայրածիր: Դեռ մեղքի իրենց բաժնին են սպասում խորհրդահայ ֆիզիկա-մաթեմատիկական գիտությունները, խորհրդահայ ինժեներիան, խորհրդահայ բուսաբուծությունն ու ագրոնոմիան, նույնիսկ մեղվապահությունը...
Բա կոլխոզնե՞րը... դրանք գիտե՞ք՝ ինչ մոլորության մեջ են մեզ գցել:
Մի խոսքով, առանց սրանց պատշաճ քաղաքական գնահատական տալու, մենք երկիր չենք կառուցի: Ավելի ճիշտ. պետություն: