ԱԺ փոխնախագահ, ՀՅԴ անդամ Իշխան Սաղաթելյանը, լրագրողների հետ զրույցում անդրադառնալով ընդդիմության անելիքներին, ասել է. «Փողոց դուրս գալու քննարկումներ տեղի են ունենում ամեն օր. մինչև հաջորդ ընտրությունները մեր երկրից բան չի մնա»:
«ՉԻ». Մենք հավաստի աղբյուրներից նույնիսկ գիտենք, թե ընդդիմադիրները մոտավորապես ինչ են խոսում այդ քննարկումների ժամանակ:
Ամեն օր հավաքվում են ու սկսում քննարկումը: Մեկը զեկուցում է, որ երկրի վիճակը լավ չի, սահման, միջանցք, ադրբեջանական նոր պոստեր, թքել-մրել... Իշխան Սաղաթելյանը հարցնում է. «Բայց երկրից ինչ-որ բան մնացե՞լ է»:
Ասում են. «Հա, դեռ 29 հազար քառակուսի կիլոմետր կա»: Իշխանն էլ ծոր տալով ասում է. «Հա, դե որ մնացել է, ուրեմն դեռ փողոց դուրս գալու վախտը չի եկել: Մի քիչ էլ սպասենք»:
«Բայց փողոց հաստատ դուրս ենք գալու, չէ՞»,- հարցնում է ընդդիմադիր դաշնակներից մեկը: «Հա, բա ո՞նց, հենց զգանք, որ երկրից բան չի մնում, տուտ ժե հայրենասիրական շարժում ենք սկսում: Վճռական, առանց նահանջի»: