ԱԺ ՔՊ խմբակցության պատգամավոր Սարգիս Խանդանյանը, պատասխանելով լրագրողների այն հարցին, թե հնարավոր կլինի՞ հասնել Ադրբեջանի հետ խաղաղության, ասել է. «Իմ քաղաքական ուժը հավատում է խաղաղությանն այս տարածաշրջանում»:
«ՉԻ». Սա կոչվում է կուսակցության «գեներալնի» գիծը պահել: Այսինքն՝ կարող է և ինքը չի հավատում խաղաղությանը, բայց դե, եթե իր քաղաքական ուժը ասել է, որ պետք է հավատալ, ի՞նչ անի, ստիպված ինքն էլ պիտի հավատա: Ճար չկա:
Թուրքիան այնտեղ օդային ճանապարհ է փակում, Ալիևը Շուշիում նոր սպառնալիքներ է հնչեցնում, երևի դրանով փորձում են խաղաղության հանդեպ այս իշխանությունների հավատը պնդացնել:
Քիչ է մնում նոր աղանդ ձևավորվի. «Խաղաղության հավատի վկաներ»: