ԱԺ արտաքին հարաբերությունների մշտական հանձնաժողովի ղեկավար, կառավարող «Քաղաքացիական պայմանագիր» խմբակցության պատգամավոր Էդուարդ Աղաջանյանն այսօր ճեպազրույցում ասել է. «Թուրքիայից բխող վտանգը ներկա պահին ավելի շուտ հիպոթետիկ է և տեսական»:
«ՉԻ». Հետաքրքիր է, ներկա պահին՝ դա ո՞ր ժամի դրությամբ: Եթե առավոտյան ժամը 9-ի, ապա, այո, տեսական է: Եվ ընդհանրապես, ցանկացած վտանգ կարելի է տեսական և հիպոթետիկ անվանել: Անկախ նրանից, որ Չավուշօղլուն նորից խոսել է «Զանգեզուրի միջանցքի» մասին, անկախ նրանից, որ Ադրբեջանի հետ նորից հաստատել են Շուշիի այդ հռչակագրի կարևորությունը:
Ադրբեջանից բխող վտանգն էլ կարելի է տեսական համարել, չնայած՝ այսօր սահմանում ադրբեջանական կրակոցներից զինվոր է զոհվել: Ունենք նաև վիրավոր: Իսկ սա արդեն հիպոթետիկ չէ: Իրական կորուստներ են:
Մեծ հաշվով, այսօր Հայաստանն ինքն է ընդամենը տեսական և հիպոթետիկ պետություն՝ նման քաղաքական դաշտով, իշխանություններով ու ընդդիմությունով: