ԱԺ «Իմ քայլը» խմբակցության պատգամավոր Հովիկ Աղազարյանը հայտարարել է. «Եթե Նիկոլ Փաշինյանն իր թիմով արձանագրի հաջողություն ընտրություններում, ինչում ես համոզված եմ, ապա Լևոն Տեր-Պետրոսյանը այդ հոգեբանական հարվածին չի դիմանա, ինֆարկտ կստանա»:
«ՉԻ». Մի երկու օր առաջ էլ Քոչարյանի նաժիշտներից Աղվան Վարդանյանն էր հայտարարել, որ Քոչարյանի հաղթանակի դեպքում Տեր-Պետրոսյանի կյանքն անիմաստ կդառնա։
Սա ուղղակի, որ հերթական անգամ համոզվեք, որ դաշնակի նախկինը չի լինում: Նույն բառապաշարը, նույն մտածելակերպը, եթե, իհարկե, սրանք մտածելու ունակություն ունեն: Նույն պարտվողները, իրենց պարտությունները ուրիշների վրա գցելու հարյուրեսիմքանիամյա պնդաճակատությունը, նույն ոչմիթիզականությունը: Գենետիկա է, աղանդ, որի դեմ պայքարելը զոռ է:
Ու ուշադրություն դարձրեք. ընտրություններում սրանց հիմնական նպատակը ոչ թե երկիրն է, ոչ թե ժողովուրդը, այլ որ Տեր-Պետրոսյանը ինֆարկտ ստանա: 23 տարի ինչ արել են, կարծես Տեր-Պետրոսյանի ինադու արած լինեն: Ասել է՝ խաղաղություն, սրանք ասել են՝ չէ, պատերազմ: Ասել է՝ փոխզիջում, ասել են՝ չէ, ոչ մի թիզ: Ասել է՝ հարևանների հետ բարիդրացիական հարաբերություններ, ասել են՝ չէ, չորս հարևան, չորս ճակատ:
Ու սրանց ուղեղին մի բան հասու չէ. որ իրենց քյալլագյոզությունների արդյունքում ոչ թե Տեր-Պետրոսյանն է ինֆարկտ ստանում, այլ ամբողջ պետությունը, Արցախը, Հայաստանը:
Ու էլի չենք հասկանում, թե սրանք ինչի դաշինք չկազմեցին: 1920 թվի և 2020 թվի բարոյական հաղթանակների կռողները միշտ իրար կողքի պիտի լինեն: