Սփյուռքի գլխավոր հանձնակատար Զարեհ Սինանյանը ԱԺ-ում լրագրողների հետ զրույցում հայտարարել է, որ Ցեղասպանության ճանաչման գործընթացն ավարտվել է:
«30 տարի մենք Ցեղասպանության ճանաչման համար Սփյուռքում հսկայական ռեսուրսներ ենք օգտագործել, բայց հասանք մարտավարական արդյունքների, ռազմավարական արդյունքների չհասանք: Այսինքն՝ Ցեղասպանությունը ճանաչվեց, մենք տարանք բարոյական հաղթանակ, բայց դրանով այսօրվա հայ ժողովրդի անվտանգությունը չբարելավվեց»:
«ՉԻ». Պատկերացնո՞ւմ եք, որ Իսրայելի որևէ պաշտոնյա հայտարարի, թե Հոլոքոսթի ճանաչման գործընթացն ավարտվել է: Բզիկ-բզիկ կանեն:
Ենթադրում ենք, Սինանյանի այս հայտարարությունից հետո մեր կառավարությունը պաշտոնական նամակով Թուրքիայի իշխանություններին կծանուցի, որ Ցեղասպանության հարցը փակված է: Երաշխիքներ էլ կտան, որ մեր կողմից «մուտիտներ» չեն լինելու:
Մանավանդ, որ արդեն հաղթանակ ենք տարել, ճիշտ է, բարոյական, բայց էլի հաղթանակ է: