Հանրապետության նախագահ, «Հայաստան» համահայկական հիմնադրամի հոգաբարձուների խորհրդի նախագահ Վահագն Խաչատուրյանն ասել է. ««Հայաստան» համահայկական հիմնադրամը պետք է ոչ թե փոխարինի կառավարությանը, այլ ձգտի օգնել կառավարությանը»:
«ՉԻ». Այն բանից հետո, երբ Վահագն Խաչատուրյանը հայտարարեց, թե Արցախն արդեն 1991-ին էր ճանաչվել Ադրբեջանի տարածք, նրանից արդեն ամեն ինչ սպասելի է:
Ոնց որ հիմա: Մեկը չկա՞ր հարցներ՝ իսկ այդ ե՞րբ է «Հայաստան» համահայկական հիմնադրամը փոխարինել կառավարությանը: Երևի 1991-ին: Չէ, ծամծված տարեթիվ է, 1992-ին:
Մի քիչ էլ մնա, կասի, թե «Հայաստան» հիմնադրամը 1990-ականներին իրական ստվերային կառավարությունն էր, կամ ապօրինի ճանապարհներ էր կառուցում դեպի Արցախ: Չէ, էս մեկը կթողնի Նիկոլ Փաշինյանին: