ԱԺ «Հայաստան» խմբակցության ղեկավար Սեյրան Օհանյանը ընդդիմության հանրահավաքում հայտարարել է. «Հնարավո՞ր էր պատերազմում այնպես անել, որ գոնե չպարտվենք: Հնարավոր էր, հնարավոր էր նաև հաղթանակ տանել»:
«ՉԻ». Հա, իհարկե, հնարավոր էր: Հաստատ: Հարյուր տոկոս: Նույնիսկ մինչև Բաքու հասնելու շանս կար:
Ընդամենը պետք էր, որ պետության գումարները ծախսվեին ոչ միայն անառիկ դղյակներ, այլ նաև անառիկ սահմանագծեր կառուցելու վրա:
Ընդամենը պետք էր, որ թույն ջիպերի հավաքածու ունենալու փոխարեն սահմանում թույն ամենագնացների հավաքածու լիներ:
Ընդամենը պետք էր, որ 10 հոգանոց զինված ջոկատը ոչ թե սեփական անձի թիկունքը պաշտպաներ, այլ Հայաստանի ու Արցախի «ախրանան» լիներ:
Ու էլի, որ նման մի քանի մանր-մունր հարցեր լուծվեին, հիմա Բաքվի հրապարակում չայ կխմեիք, ոչ թե Ֆրանսիայի հրապարակում:
Հ.Գ. Թե որ այդքան հանգիստ հայտարարում եք հաղթելու մասին, 20 տարի բանակը ձեր ձեռքում էր, հաղթեիք, պրծնեիք: