«Քաղաքացիական պայմանագիր» խմբակցության պատգամավոր Հովիկ Աղազարյանն ասել է. «Եթե ընդդիմությունն այդքան անկեղծ է, թող օրակարգ բերի Արցախի անկախության ճանաչման հարցը, գիտեն, որ այս պահին չի կարելի: Ասում են՝ Արցախը երբեք չի լինելու Ադրբեջանի կազմում, բա այլընտրանքը ո՞րն է, ուրեմն պետք է անկախությունը ճանաչենք, թող դա օրակարգ բերեն»:
«ՉԻ». Երբ հետևում ես ներկայիս իշխանություն-ընդդիմություն բանավեճերին, եթե դրանք, իհարկե, կարելի է բանավեճ համարել, հասկանում ես՝ սա մի ճահիճ է, որտեղ ավելի հեշտ կարելի է թաղվել, քան Սիբիրի տայգաներում:
Առարկայական ոչ մի բան այս բանավեճերում չկա: Ընդդիմության երկու օր առաջվա թամաշան տեսանք. մինչև մարսում ես դրանց ելույթները, մեկ էլ իշխանավորներն են սկսում: Բայց մեծ հաշվով, երկուսն էլ Արցախի հարցում ասելիք չունեն: Այս 20 տարվա ընթացքում ինչ որ պետք է ասեին՝ չեն ասել, ինչ որ պետք է չասեին՝ ասել, պրծել են:
Ու հիմա մի տեսակ տղայական ռազբորկա է հիշեցնում սրանց բանավեճը. նա ասում է՝ դե, տղա ես, Արցախը ճանաչի, նա էլ ասում է՝ թե տղա ես, դու ճանաչի: