...

Ի՞նչն էր խանգարում վատ ընդդիմությանը

Ի՞նչն էր խանգարում վատ ընդդիմությանը

ՀՀԿ փոխնախագահ Արմեն Աշոտյանը գրել է. «Տեղեկացնում եմ, որ մի քանի օր բացակայելու եմ երկրից։ Մեկնում եմ մասնակցելու Եվրոպական Ժողովրդական կուսակցության համագումարին և Քաղաքական համաժողովին։

Հ.Գ. Բոլոր նրանք, ում իմ ներկայությունը Ֆրանսիայի հրապարակում «խանգարում» էր միանալ պայքարին, ունեն սարեր շրջելու պատմական շանս։ Ձեզ տեսնեմ»:

«ՉԻ». Հըմմմմ... Մեկը պատահականություն է, երկուսը՝ օրինաչափություն: Ուրեմն, Արթուր Վանեցյանի ներկայությունն էլ էր երևի ինչ-որ ուժերի խանգարում: Դժվար թե պատահականություն լինի, որ Վանեցյանն ու Աշոտյանն էս նեղ մաջալին Եվրոպա են գնում, այն էլ՝ մի քանի օրով:

Սա՝ այն դեպքում, երբ Իշխան Սաղաթելյանն արդեն հայտարարել է թվով 67-րդ, թե 68-րդ վճռական գործողության մասին. սպառնացել է տուն առ տուն, սենյակ առ սենյակ, պադվալ առ պադվալ, բալկոն առ բալկոն, մասանդրա առ մասանդրա ճշտել հայ ժողովրդի դիրքորոշումը: Իմիջիայլոց, վիճակագրության նախարարությունը կարող է Իշխան Սաղաթելյանին խնդրել՝ ձեռի հետ մարդահամար անցկացնել, ահագին փող կտնտեսվի:

Բայց դառնանք Աշոտյանին, որը խանգարում էր քոչարյանա-դաշնակցական ուժերին սարեր շուռ տալ: Ասա՝ ի՞նչ գործ ունես ուրիշի հայրենափրկիչ գործունեության հետ: Այսօր այդ ուժերն արդեն փորձում են նախարարություններ մտնել՝ պարզելու նախարարությունների քարտուղարուհիների դիրքորոշումը: Աշոտյանն, օրինակ, այնտեղ լիներ, դա չէր ստացվի: Ժողովրդի ուշքը գնում է Իշխան Սաղաթելյանի ու Լևոն Քոչարյանի համար, բայց հենց նրանց կողքին տեսնում է Վանեցյանին ու Աշոտյանին, միանգամից հուսախաբ է լինում: Բան ենք ասում: 

#Tags / Պիտակներ

ՎԱՐԿԱՆԻՇ

   2869 ԴԻՏՈՒՄ

Տարածեք

ՆՄԱՆԱՏԻՊ ՆՅՈՒԹԵՐ
Դեպի ՎԵՐ