«Մենք սրանց հեռացնելու ենք Հայաստանից. դա լինելու է արյունոտ ճանապարհ, չեմ ուզում ձեզ խաբել»:
Խոստովանության հեղինակը ՀՀԿ-ական Մարգարիտ Եսայանն է:
«ՉԻ». Ինչ խոսք, տիկնոջ խոստովանությունը գովելի է, բայց խորհուրդ ենք տալիս շտապել: 5 ամիս է, ինչ հեռացնում եք, բայց հրավիրված ցուցարարներին լահմաջո ու պիցցա գնելու համար միլիոնավոր դոլարներ ծախսելուց բացի ոչնչի չհասաք: Հիմա 3 ամսից ընտրություն է, հանկարծ ժողովուրդը կրկին չհիասթափվի օդի մեջ տված ձեր խոստումներից: Չստացվի, որ ինչքան նոր ատոմակայան ու գազամուղ էիք կառուցում, նույնքան էլ իշխանափոխություն եք իրականացնում:
Հանրապետականներն ի վիճակի չեն դասեր քաղել իրենց սխալներից: Հասարակությանը անվանեցին ժեխ, բոմժ և այլն, արդյունքում չկարողացան մարդ հավաքել հրապարակներում: Հիմա էլ նույն հասարակությանը վախեցրեք արյունով, տեսնենք՝ քանի հոգի կգա ձեր հետևից:
Իսկ ընդհանրապես, նման հայտարարություններից հետո տիկին Մարգարիտը պետք է պատրաստ լինի, որ ինչ-որ մեկն էլ իրեն կարող է փողոցում արյունլվա անի: Իհարկե, զուտ քաղաքական դրդապատճառներով՝ հաշվի առնելով իրենց իշխանության տասնամյա հետագիծը: