Ելույթ ունենալով Արդարադատության նախարարությունում՝ Նիկոլ Փաշինյանը հայտարարել է, թե «Հայաստանի Հանրապետությունը կարիք ունի նոր Սահմանադրության», որը ՀՀ-ն «ավելի մրցունակ և ավելի կենսունակ է դարձնում աշխարհաքաղաքական և ռեգիոնալ նոր պայմաններում»։ Ընդ որում՝ նա շեշտել է նաև, որ «կառավարման ընթացիկ մոդելում քաղքական առումով շատ բան չկա փոխելու», կառավարման խորհրդարանական մոդելն էլ ամենահարմարն է։
Կարծում ենք՝ կարիք չկա բացատրելու, թե Նիկոլի ինչի՞ն է պետք նոր Սահմանադրությունը, եթե «փոխելու շատ բան չկա»։ Խնդիրը, հասկանալի է, Սահմանադրության նախաբանն է, որտեղ մի շարք «հանցավոր ձևակերպումներ» կան՝ «Անկախության հռչակագիր», «համազգային նպատակներ», «ազատասեր նախնիներ», «հայրենիքի հզորացում» և այլն, որոնք ոչ միայն անհարիր են Նիկոլի քարոզած «հայրենասիրության մոդելին», այլև կարող են բարկացնել «աշխարհաքաղաքական և ռեգիոնալ խաղացողներին»։
Պարզ ասած՝ Սերժ Սարգսյանի վրայով կարված կոստյումը Նիկոլին շատ է դուր եկել, ինքը դրա մեջ իրեն շատ հարմարավետ է զգում, բայց վտանգ կա, որ հարևանները կքաշքշեն ու պիջակի թևերը կպոկեն, ուստի որոշել է մի քիչ էլ նրանց ճաշակով առաջնորդվել։