«Ժողովուրդ» օրաթերթը գրել է. «Ազգային ժողովի «Հայաստան» և «Պատիվ ունեմ» խմբակցությունների պատգամավորները տևական դադարից հետո որոշել են վերադառնալ խորհրդարան և բնականոն կերպով մասնակցել նոյեմբերի 15-ին մեկնարկելիք հերթական նստաշրջանի աշխատանքներին:
Ընդդիմադիր խմբակցությունները նման որոշում են կայացրել՝ հաշվի առնելով Հայաստանի և Արցախի առջև ծառացած խնդիրները, երբ իսկապես օրհասական վիճակ է ստեղծվել»:
«ՉԻ». Թե չէ մինչև հիմա վիճակը օրհասական չէր: 2020թ. նոյեմբերից հա էլ նույն վիճակն է: Որևէ բան չի փոխվել:
Այսինքն՝ փոխվել է մի բան. այդ ընթացքում նոր խորհրդարան է ձևավորվել՝ երեք հաղթող, ոչմիթիզական, աշխարհը դես, հետո դեն անող ուժերով:
Ընդդիմությունը գերադասեց օրհասական պահին գնալ մանդատի ետևից՝ «նաղդից լավը չկա» կարգախոսի ներքո: Հազար անգամ հայտարարեցին բոյկոտելու, այս իշխանությունների երեսը չտեսնելու մասին, բայց մեկ է՝ սուսիկ-փուսիկ նորից գնում են իշխանավորների կողքին նստելու:
Որ ուզում եք իմանաք, մեջներից կարգին մարդը Արթուր Վանեցյանը դուրս եկավ: Մարդը հայտարարեց, մարդն արեց. հրաժարվեց մանդատից: