Թուրքիայի ԱԳ նախարար Մևլութ Չավուշօղլուն՝ անդրադառնալով Հայաստանի հետ հարաբերությունների կարգավորման հարցին, հայտարարել է, թե Հայաստանից մինչև հիմա հստակ քայլեր չեն տեսել։ «Հայաստանի իշխանությունները պետք է խաղաղության հաստատման համար հստակ քայլեր անեն, քանի որ միայն խոսելը բավարար չէ»:
«ՉԻ». Բայց շատ կռիսն են, էլի: Ուրիշ ի՞նչ պիտի անեն մեր իշխանությունները, որ թուրքերի սրտով լինի:
Մերոնք առավոտից երեկո հայտարարում են խաղաղության դարաշրջանի մասին, թուրքերի հետ հարաբերությունների հաստատման մասին, պաշտոնապես հայտարարել են Արցախից հայկական զորքերը դուրս բերելու մասին... սրանից ավելի հստակ քայլեր լինո՞ւմ են:
Էն էլ ո՞ւմ են ասում՝ հստակ քայլեր չենք տեսել. «Իմ քայլին»: Միակ բանը, որ էս չորս տարվա մեջ կարողանում են անել, դա հստակ քայլելն է: Էդ էլ թուրքերին դուր չի գալիս: Դուրներդ չի գալիս, վեշերդ հավաքեք, գնացեք Ռուսաստան, Ալթայ, Ույգուրստան... կներեք, ինչ-որ դաշնակացավ կպավ, հիմա կանցնի:
Մենք այսպես հասկացանք, որ մեր իշխանություններն ինչքան տեղի են տալիս Թուրքիայի և Ադրբեջանի պահանջներին, այնքան նոր պահանջներ են ավելանում: