Ո՞ր խոհանոցում բանջարեղենային ռագու չկա. ֆրանսիացիների մոտ ռատատույն է, իտալացիների մոտ՝ կապոնատան, իսկ իսպանացիների մոտ՝ պիստոն:
Իսպանացիների բանջարեղենային ռագուն՝ պիստոն, պատրաստում են ինչպես ամռանը, այնպես էլ՝ ձմռանը, ուտում են ինչպես սառը, այնպես էլ տաք վիճակում, նրա մեջ տարբեր բանջարեղեններ են օգտագործում՝ կախված սեզոնից: Մի խոսքով, այն ունիվերսալ ուտեստ է:
Բաղադրիչները
- 8-10 միջին չափի, հասած լոլիկ
- 3 միջին չափի քաղցր տաքդեղ
- 2 ոչ մեծ դդմիկ կամ ցուկինի
- 3 միջին չափի բադրիջան
- 5 միջին չափի գլուխ սոխ
- 100 մլ ձիթապտղի ձեթ
- աղ, աղացած սև պղպեղ
Պատրաստման եղանակը
- Տաքդեղները մաքրեք սերմերից, խորանարդաձև կտրատեք: Նույն ձևով կտրատեք նաև դդմիկն ու բադրիջանը (կարող եք դրանք մաքրել կեղևից կամ թողնել կեղևով՝ ըստ ճաշակի):
- Լոլիկների վրա եռացրած ջուր լցրեք, հետո՝ սառը ջուր: Լոլիկների կեղևը հեռացրեք, միջուկները միջին չափի կտրատեք: Կտրատեք նաև սոխը:
- Մեծ թավայի մեջ ձիթապտղի ձեթ լցրեք, միջին կրակի վրա տապակեք բոլոր բանջարեղենները, բացի լոլիկից: Այն ավելացրեք 10-15 րոպե հետո: Ավելացնելուց հետո կրակը թուլացրեք:
- Բանջարեղենը շոգեխաշեք թույլ կրակի վրա, մինչև սոուսը խտանա՝ մոտ 30 րոպե: Աղ ու պղպեղ արեք, խառնեք:
- Մատուցեք տաք կամ սառը վիճակում:
Խորհուրդ: Այս ռագուն պարտադիր չէ մատուցել մսի հետ, այն կարող է նաև ինքնուրույն ուտեստ լինել: