Պատրաստեք այս համեղ ուտեստը:
Բաղադրիչները
- 1-2 կծու պղպեղ
- 2 պճեղ սխտոր
- 1 թ.գ. աղացած մեխակ (гвоздика)
- 1 թ.գ. աղացած դարչին (корица)
- 1 թ.գ. աղացած մշկընկույզ (мускатный орех)
- 2 թ.գ. հատիկավոր սև պղպեղ
- մի փոքր աղացած սև պղպեղ
- մի քանի ճյուղ ուրց
- մի փոքր ձիթապտղի ձեթ
- 2 հատ հավի բուդ
- 2 հատ հավի թև
- 2 ճ.գ. սոյայի սոուս
Պատրաստման եղանակը
- Սկզբում պատրաստեք մարինադը: Խառնեք կտրտած կծու պղպեղը, մանրացրած սխտորը, համեմունքները, ուրցի տերևների մի մասն ու ձիթապտղի ձեթը: Ստացված մարինադը քսեք հավի վրա, 1 ժամով թողեք մարինացվի: Եթե հնարավորություն ունեք, թողեք ողջ գիշերը:
- Թավայի մեջ լցրեք ձիթապտղի ձեթը, դրեք կրակին, հավի կտորները անընդհատ շուռ տալով՝ 10 րոպե տապակեք: Միսը պետք է բոլոր կողմերից ոսկեգույն-շագանակագույն երանգ ստանա: Ավելացրեք սոյայի սոուսը և ևս 2 րոպե տապակեք:
- Հավը կափարիչով կամ փայլաթիթեղով ծածկեք ու 20 րոպեով տեղադրեք 220 աստիճան ցելսիուս տաքության ջեռոցում մինչև միսն ամբողջությամբ տապակվի:
- Եթե ուզում եք, որ հավն ավելի կարմիր լինի, պատրաստ լինելուց 5 րոպե առաջ հանեք կափարիչը կամ հեռացրեք փայլաթիթեղը:
- Հավը մատուցեք բրնձի հետ մեկտեղ: