Սիրիացիներն այնքան քաղցրակեր են, որ նույնիսկ հույներն ու թուրքերը կարող են նրանց նախանձել այդ հարցում: Գոյություն ունի վիճակագրություն, համաձայն որի՝ սիրիացիները բնակչության մեկ շնչին բաժին ընկնող հաշվով աշխարհում ամենաշատն են շաքար օգտագործում: Իսկ գործնականում դա նշանակում է, որ սիրիացիների աղանդերներն այնքան քաղցր են, որ անսովոր եվրոպացու համար դրանք ուտելը բարդ է: Այդ աղանդերների շարքում երջանիկ բացառություն են այս փքաբլիթները:
Բաղադրիչները
- 2 միջին չափի կարտոֆիլ
- 2 բաժակ ալյուր
- 4 գ. չոր թթխմոր
- մի փոքր աղ
- կարագ՝ տապակին քսելու համար
Մրգահյութի համար
- 1 բաժակ ջուր
- 1 բաժակ շաքարավազ
- 1 կիտրոնի հյութ
- 1 ճ.գ. նարնջի ծաղիկների ջուր
Պատրաստման եղանակը
- Կարտոֆիլը մաքրեք, փոքրիկ քառակուսիների ձևով կտրատեք, լցրեք կաթսայի մեջ, վրան սառը ջուր լցրեք, դրեք կրակին, թողեք եփի, մինչև փափկելը:
- Պատրաստի կարտոֆիլը քամեք (ջուրը պահեք ու թողեք մի փոքր հովանա): Կարտոֆիլները տապակեք, պյուրե սարքեք:
- Կարտոֆիլի պյուրեին ավելացրեք ալյուրը, թթխմորն ու աղը, սկսեք խմոր հունցել՝ աստիճանաբար ավելացնելով կարտոֆիլի տաք ջուրը (մոտ 40 աստիճան ցելսիուս տաքության): Խմորը ծածկեք սրբիչով, 1 ժամ թողեք տաք տեղում՝ բարձրանա:
- Պատրաստեք մրգահյութը: Կաթսայի մեջ լցրեք շաքարավազը, ջուրը, կիտրոնի հյութն ու նարնջի ծաղիկներից ջուրը, դրեք միջին ուժգնության կրակի վրա, խառնելով՝ եռացրեք, որպեսզի շաքարը լուծվի: Ապա կրակն ավելի թուլացրեք և առանց խառնելու եռացրեք ևս 2-3 րոպե: Մրգահյութը վերցրեք կրակից, թողեք հովանա: Լցրեք ոչ շատ խոր ու լայն թասի մեջ:
- Երբ խմորը բարձրանա, իսկ մրգահյութը սառչի, կարագը հալեցրեք լայն ու խորը կաթսայի մեջ:
- Գդալի օգնությամբ խմորից գնդիկներ առանձնացրեք, դրեք կարագով կաթսայի մեջ, անընդհատ շրջելով տապակեք, մինչև ոսկեգույն երանգ ստանալը:
- Պատրաստի փքաբլիթները տեղադրեք անձեռոցիկի վրա, որպեսզի կարագը ներծծվի, մոտ 1 րոպե: Ապա միանգամից դրանք մտցրեք սառը մրգահյութի մեջ ու տեղադրեք ափսեի մեջ:
Խորհուրդ: Մրգահյութի քաղցրությունը կարող եք կարգավորել ձեր ճաշակով, բայց հիշեք, որ կարտոֆիլից խմորն ընդհանրապես քաղցր չէ: