Բանից պարզվում է՝ «Լեռնային Արցախ» և «Գանձասար» ֆուտբոլային ակումբները ՀՖՖ-ի ազգային արտոնագիր չեն ստացել և չեն կարողանա մասնակցել Պրեմիեր լիգայի հաջորդ մրցաշրջանին։
Հայաստանի ֆուտբոլի ֆեդերացիան, իհարկե, բացառիկ քաղաքական ճկունություն է ցուցաբերել և այդպիսով կարողացել է կանխել սադրանքը։ Ավելին․ շրջանառվող լուրերի համաձայն՝ ՀՖՖ-ն պատրաստ կլինի վերանայել որոշումը, եթե «Լեռնային Արցախ» ակումբը վերանվանվի «Ռուս խաղաղապահների պատասխանատվության գոտի», իսկ «Գանձասարը»՝ «Միջնադարյան աղվանական վանական համալիր»։ Չի բացառվում, որ այդ դեպքում ակումբները նույնիսկ կառավարության պահուստային ֆոնդից հավելյալ ֆինանսական աջակցություն ստանան։